قازاقستاندا 12 بلوگەر 1،4 ملرد تەڭگە كولەمىندە قوسىمشا تابىستارىن دەكلاراسيالادى، دەپ حابارلايدى aqshamnews.kz.
مەملەكەتتىك كىرىستەر كوميتەتىنىڭ مالىمەتىنشە، كىرىستەردى تومەندەتۋ بويىنشا كامەرالدىق باقىلاۋ تۋرالى حابارلامالاردان سوڭ، 12 بلوگەر ءوز ەركىمەن 1،4 ملرد تەڭگە كولەمىندە قوسىمشا تابىستارىن دەكلاراسيالاپ، 73،6 ملن تەڭگە سالىق تولەدى.
بۇگىنگى تاڭدا بارلىعى 854 بلوگەرگە «كىرىستى تومەندەتۋ» بويىنشا زاڭ بۇزۋشىلىقتار ءۇشىن 71،9 ملرد تەڭگە سوماسىندا كامەرالدىق باقىلاۋ تۋرالى حابارلامالار جىبەرىلگەن. ورىنداۋ مەرزىمى – 30 جۇمىس كۇنى. سونىمەن قاتار 71،9 ملرد تەڭگە كولەمىندەگى ايىرماشىلىقتار تولەنبەگەن سالىقتاردىڭ سوماسى ەمەس ەكەنىن اتاپ وتكەن ءجون. كورسەتىلگەن ايىرماشىلىق سومالارى بلوگەرلەردىڭ سالىق دەكلاراسيالارىندا كورسەتىلمەگەن بولجامدى تابىستارىن بىلدىرەدى، - دەلىنگەن كوميتەت مالىمەتىندە.
ۆەدومستۆو سالىقتاردىڭ ەسەپتەلۋى مەن تولەنۋى سالىق زاڭناماسىندا بەلگىلەنگەن ءتيىستى ستاۆكالار بويىنشا ۇسىنىلعان دەكلاراسيالارعا سايكەس جۇزەگە اسىرىلاتىن ەسكە سالدى.