حالىقارالىق جاسىل تەحنولوگيالار ورتالىعى مەملەكەت مەنشىگىنە قايتارىلدى

ۇكىمەت ءتيىستى قاۋلى قابىلدادى.

حالىقارالىق جاسىل تەحنولوگيالار جانە ينۆەستيسيالىق جوبالار ورتالىعىنىڭ اكسيالارى مەملەكەت مەنشىگىنە قايتارىلدى، دەپ حابارلايدى Almaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.

«قازاقستاننىڭ ەكولوگيالىق ۇيىمدارىنىڭ قاۋىمداستىعى» زاڭدى تۇلعالار بىرلەستىگىنىڭ «حالىقارالىق جاسىل تەحنولوگيالار جانە ينۆەستيسيالىق جوبالار ورتالىعى» كوممەرسيالىق ەمەس اكسيونەرلىك قوعامى اكسيالارىنىڭ جالپى پاكەتىنىڭ 50 پروسەنتىن + 1 اكسياسىن سىيعا تارتۋ شارتى بويىنشا رەسپۋبليكالىق مەنشىككە بەرۋ تۋرالى ۇسىنىسى قابىلدانسىن»، - دەلىنگەن قاۋلى ماتىنىندە.

ورتالىق 2018 جىلدىڭ ساۋىرىندە ەكونوميكانىڭ باسەكەگە قابىلەتتىلىگىن، حالىقتىڭ تۇرمىس ساپاسىن ارتتىرۋعا جانە قورشاعان ورتاعا تەرىس اسەردى تومەندەتۋگە باعىتتالعان ەڭ وزىق قولجەتىمدى تەحنولوگيالار قاعيداتتارىن ەنگىزۋ ارقىلى جاسىل تەحنولوگيالاردى ىلگەرىلەتۋ جانە بيزنەستى قولداۋ ماقساتىندا قۇرىلدى.

2018 جىلعى جەلتوقساندا 50 پايىز + 1 اكسيا تىكەلەي اتاۋلى ساتۋ ارقىلى «قازاقستاننىڭ ەكولوگيالىق ۇيىمدارىنىڭ قاۋىمداستىعى» زتب-عا بەرىلدى.

وسىلايشا، اكسيالار پاكەتىنىڭ 100%-ى ەكولوگيا، گەولوگيا جانە تابيعي رەسۋرستار مينيسترلىگىنىڭ باسقارۋىمەن مەملەكەت مەنشىگىندە بولادى.

ەسكە سالا كەتەيىك، بۇعان دەيىن ءاليا نازاربايەۆا قازاقستاننىڭ ەكولوگيالىق ۇيىمدارى قاۋىمداستىعىنىڭ پرەزيديۋمىنان كەتكەن بولاتىن.