بۋحارەستتە XXI حالىقارالىق جاسوسپىرىمدەر اراسىنداعى جاراتىلىستانۋ-عىلىمي وليمپياداسى (IJSO) اياقتالدى.
بۇل بەدەلدى ءبىلىم سايىسىنا الەمنىڭ 60 ەلىنەن 360-تان استام وقۋشى قاتىسىپ، فيزيكا، حيميا جانە بيولوگيا پاندەرى بويىنشا ءوز بىلىمدەرىن كورسەتتى، دەپ حابارلايدى aqshamnews.kz وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.
قازاقستان قۇراماسىندا التى وقۋشى بولدى. سايىس قورىتىندىسى بويىنشا ءبىزدىڭ وقۋشىلار 100% ناتيجە كورسەتىپ، التى مەدال جەڭىپ الدى:
ايزەرە جەڭىسحانوۆا – وسكەمەن قالاسىنداعى حبن ءنزم-نىڭ 10-سىنىپ وقۋشىسى؛
ءادىل جيەنبايەۆ – الماتى قالاسىنداعى ءرفمم-نىڭ 10-سىنىپ وقۋشىسى؛
اناستاسيا پونوماريەۆا – استانا قالاسىنداعى ءرفمم-نىڭ 9-سىنىپ وقۋشىسى؛
ءابدىجان يبرايموۆ – استانا قالاسىنداعى «NURORDA» مەكتەپ-ليسەيىنىڭ 9-سىنىپ وقۋشىسى؛
مۇنار ساعىمباي – الماتى قالاسىنداعى ءرفمم-نىڭ 10-سىنىپ وقۋشىسى؛
ءاليحان ىسكەندىر – اقتوبە وبلىستىق دارىندى بالالارعا ارنالعان «ءبىلىم-يننوۆاسيا» ليسەي-ينتەرناتىنىڭ 9-سىنىپ وقۋشىسى.
كوماندا جەتەكشىلەرى:
• سامات مۇراتبەك ۇلى ماقسۇتوۆ – PhD دوكتورى، SDU دوسەنتى؛
• ايدوس بەكزات ۇلى سارسەنباي – ش. ەسەنوۆ اتىنداعى كاسپيي تەحنولوگيالار جانە ينجينيرينگ ۋنيۆەرسيتەتىنىڭ ستۋدەنتى، حالىقارالىق جانە رەسپۋبليكالىق وليمپيادالاردىڭ جەڭىمپازى؛
• مۇحاممەدالى عاني ۇلى – SDU ستۋدەنتى، حالىقارالىق جانە رەسپۋبليكالىق وليمپيادالاردىڭ جەڭىمپازى.
انىقتاما:
IJSO - 15 جاسقا دەيىنگى مەكتەپ وقۋشىلارىنا ارنالعان حالىقارالىق عىلىمي سايىس. بۇل وليمپيادا 2004 جىلدان بەرى وتكىزىلىپ كەلەدى. 2023 جىلى بانگكوكتا وتكەن جارىستا قازاقستان قۇراماسىنىڭ بارلىق التى قاتىسۋشىسى جۇلدەگەر اتانعان بولاتىن. بيىل دا وقۋشىلار استانادا ەكى اپتالىق وقۋ-جاتتىعۋ جيىندارىنان ءوتىپ، ەل نامىسىن ابىرويمەن قورعادى.