قازاقستاندا ۆاۋچەرلىك قارجىلاندىرۋ ادىستەمەسىن قولدانا وتىرىپ، مەكتەپكە دەيىنگى تاربيە مەن وقىتۋعا مەملەكەتتىك تاپسىرىستى دەربەستەندىرۋ بويىنشا جۇمىس جالعاسۋدا.
بۇگىنگى تاڭدا مەكتەپكە دەيىنگى ءبىلىم بەرۋدى ۆاۋچەرلىك قارجىلاندىرۋ جۇيەسى تاراز (جامبىل وبلىسى)، تۇركىستان شىمكەنت، ورال قالالارىندا پيلوتتىق جوبا شەڭبەرىندە ىسكە اسىرىلۋدا، دەپ حابارلايدى aqshamnews.kz.
وقۋ-اعارتۋ مينيسترلىگىنىڭ مالىمەتىنشە، 20 قاراشادان باستاپ ورال قالاسى مەكتەپكە دەيىنگى تاربيە مەن وقىتۋعا ۆاۋچەرلىك قارجىلاندىرۋ ەنگىزىلەتىن پيلوتتىق قالالاردىڭ بىرىنە اينالدى، بۇل 3 177 ۆاۋچەر بەرۋگە مۇمكىندىك بەردى.
قازىرگى ۋاقىتتا ورالداعى بارلىق 185 مەكتەپكە دەيىنگى ۇيىم ۆاۋچەرلىك مەحانيزم بويىنشا قارجىلاندىرىلۋدا.
ەستەرىڭىزگە سالا كەتەيىك، ەنگىزىلىپ جاتقان ۆاۋچەرلىك قارجىلاندىرۋ جۇيەسى بارلىق مەكتەپكە دەيىنگى ءبىلىم بەرۋ ۇيىمدارىنا بەلگىلەنگەن تالاپتارعا ساي بولعان جاعدايدا بيۋدجەتتىك قارجىلاندىرۋعا قول جەتكىزۋگە مۇمكىندىك بەرەدى.
اتا-انالارعا بالاباقشانى ءوز بەتىنشە تاڭداۋ مۇمكىندىگى بەرىلەدى، بۇل تەك جەكە عانا ەمەس، سونىمەن قاتار مەملەكەتتىك مەكتەپكە دەيىنگى ۇيىمدار اراسىندا دا باسەكەلەستىكتىڭ قالىپتاسۋىنا ىقپال ەتەدى.
جۇيە ەڭ الدىمەن، «بالاعا بەرىلەتىن اقشا» قاعيداتىمەن بۇكىل قارجىلاندىرۋ پروسەسىنىڭ اشىقتىعىن قامتاماسىز ەتەتىن شارتتى قاراستىرادى. قاراجاتتى ەسەپتەۋ جانە اۋدارۋ اتا-انالاردىڭ بالانىڭ بالاباقشاعا بارۋ تابەلىندەگى مالىمەتتەردى راستاعاننان كەيىن عانا جۇرگىزىلەدى. ايتا كەتەيىك، ۆاۋچەرلىك قارجىلاندىرۋ مەحانيزمىن ماسشتابتاۋ وڭىرلەردىڭ دايىندىعىنا قاراي كەلەسى جىلدان باستاپ جوسپارلانعان.
انىقتاما: قازاقستاندا 11 642 مەكتەپكە دەيىنگى ۇيىم جۇمىس ىستەيدى، ونىڭ ىشىندە 2 جاستان 6 جاسقا دەيىنگى بالالاردىڭ 92،5%-ى مەكتەپكە دەيىنگى تاربيەمەن جانە وقىتۋمەن قامتىلعان.