2024 جىلى 6 جەلتوقساندا Fitch حالىقارالىق رەيتينگ اگەنتتىگى الماتى قالاسىنىڭ كرەديتتىك رەيتينگىن «BBB» دەڭگەيىندە راستادى، بولجامى «تۇراقتى».
بۇل رەتتە، الماتى قالاسىنىڭ تاۋەلسىز كرەديتتىك رەيتينگى «BBB+» دەڭگەيىندە راستالدى، دەپ حابارلايدى aqshamnews.kz.
الماتى قالاسىنىڭ جوعارى تاۋەلسىز كرەديتتىك رەيتينگى ەكونوميكانىڭ ديناميكالىق دامۋى، جەرگىلىكتى بيۋدجەتتىڭ ەداۋىر ءوسۋى جانە بيۋدجەتتىڭ تومەن قارىز جۇكتەمەسىمەن نەگىزدەلگەن، بۇل «AAA» ساناتىنا سايكەس كەلەدى.
2024 جىلدىڭ 10 ايىندا قالانىڭ قىسقامەرزىمدى ەكونوميكالىق كورسەتكىشى 5،2%-عا دەيىن جەدەلدەدى. ءوسۋ بيزنەستىڭ جانە ينۆەستيسيالىق بەلسەندىلىكتىڭ ارتۋىمەن قاتار ءجۇردى. نەگىزگى كاپيتالعا سالىنعان ينۆەستيسيا 8،2%-عا ءوسىپ، 1،3 تريلليون تەڭگەگە جەتتى. 2024 جىلدىڭ 11 ايىنىڭ قورىتىندىسى بويىنشا جەرگىلىكتى بيۋدجەتتىڭ كىرىسى 21،2%-عا ارتىپ، 1 753 ميلليارد تەڭگە بولدى.
«BBB+» دەڭگەيىندەگى تاۋەلسىز كرەديتتىك رەيتينگ الماتى قالاسىنىڭ اكىمدىگىنە ءىرى ينفراقۇرىلىمدىق جوبالاردى جۇزەگە اسىرۋ جانە دامىتۋ ءۇشىن جاسىل وبليگاسيالار شىعارۋعا مۇمكىندىك بەرەدى.
Fitch رەيتينگىنىڭ جاريالانىمىن مىنا سىلتەمە ارقىلى وقي الاسىز: https://www.fitchratings.com/research/international-public-finance/fitch-affirms-city-of-almaty-at-bbb-outlook-stable-06-12-2024.