ەلىمىزدىڭ بالالارى ءۇشىن وقۋ-اعارتۋ مينيسترلىگى ايرىقشا تارتۋ جاساپ، العاش رەت حالىقارالىق بالالاردى قورعاۋ كۇنىندە قازاق تىلىندەگى بالالار اندەرىنىڭ فەستيۆالى باستالعان ەدى. تۇڭعىش رەت انا تىلىندە ءوتىپ وتىرعان مۇنداي فەستيۆال ءبىزدىڭ ەلىمىزدە جوققا ءتان. سونىمەن قاتار، اتالمىش فەستيۆال -ەڭ الدىمەن بالالار مەن جاسوسپىرىمدەرگە رۋحاني-ادامگەرشىلىك جانە ازاماتتىق تاربيە بەرۋدە ءتيىمدى قۇرال ىسپەتتى.
«ءانشۋاق» فەستيۆالى بالالاردىڭ تالانتتارىن اشۋعا مۇمكىندىك بەرۋمەن قاتار، ولاردىڭ بويىنا پاتريوتتىق سەزىمدى دارىتادى. بايقاۋ بارىسىندا بالالار ەلىمىزدىڭ تاريحي- مادەني قۇندىلىقتارىن دا قوسا ناسيحاتتايدى. سوندىقتان وسىناۋ شارا «ءبىرتۇتاس تاربيە» باعدارلاماسى اياسىندا وسكەلەڭ ۇرپاقتى تاربيەلەۋدە ماڭىزدى ءرول اتقارا باستاعانىن دا ايتا كەتۋىمىز ورىندى. جالپى، ءبىز وسكەلەڭ ۇرپاقتىڭ بويىنا تاريحي، رۋحاني، مادەني قۇندىلىقتار نەگىزىندە ادامي قاسيەتتەردى ءسىڭىرۋ تۋرالى كوپ ايتامىز. وسى باعىتتا تاربيەلەۋ «ءبىرتۇتاس تاربيە» باعدارلاماسىنىڭ باستى مىندەتتى. اتالمىش فەستيۆال جاس پاتريوتتاردى تاربيەلەۋگە كومەكتەسەتىن ءان مەرەكەسى. سونداي-اق، بالالاردى كوپشىلىك الدىندا ەركىن سويلەۋگە دە ۇيرەتەدى. سونىمەن، ءدال ءقازىر ەلىمىزدە «ءانشۋاق-2024» بالالار اندەرىنىڭ ەكىنشى رەسپۋبليكالىق چەللەندجى باستالىپ، وعان 6-18 جاس ارالىعىنداعى بالالار مەن جاسوسپىرىمدەر قاتىسا باستادى. مۇنداعى باستى ماقسات-بالالار قازاق تىلىندەگى ءاندى جاندى داۋىستا ورىنداپ، بەينەجازباسىن #ءانشۋاق-2024 حەشتەگىمەن TikTok-تا ءجاريالاۋىتيىس. ءقازىردىڭ وزىندە بالالار ورىنداعان بەينەروليكتەر 200 مىڭنان استام قارالىم جيناپ وتىر. ماسەلەن، «ءانشۋاق» بالالار اندەرىنىڭ چەللەندجى العاش رەت 2024 جىلدىڭ 1 اقپانى مەن 1 ماۋسىمى ارالىعىندا ءوتىپ، جەتى اي ىشىندە 12 مىڭنان استام جاريالانىم جانە 12 ميلليوننان استام قارالىم جيناعان بولاتىن. ەلىمىزدىڭ ءار وڭىرىندە «ورەn Air» فورماتىندا ەڭ تانىمال بالالار اندەرى شىرقالعان ەدى.
«جاڭا وقۋ جىلى باستالعالى بەرى وسى يدەيامەن شابىتتانعان 5 مىڭعا جۋىق مەكتەپ وقۋشىسى چەللەندجگە قوسىلدى. ولار بەينەجازبالارىن «ءانشۋاق-2024» حەشتەگىمەن TikTok-تا جاريالاپ، وزدەرى ورىنداعان بالالار اندەرىن «قازاق راديوسىنا» جولداپ جاتىر. اعىمداعى جىلدىڭ قىركۇيەك ايىنان باستاپ «قازاق راديوسىندا» «ءانشۋاق راديو-فەستيۆالى» ايدارى اشىلدى. بۇل بۇكىل قازاقستاننىڭ تۇكپىر- تۇكپىرىندەگى بالالاردىڭ باسىن بىرىكتىرەتىن شىعارماشىلىق تولقىن. قاتىسۋشىلار تەك ءان ورىنداپ قانا قويماي، سول اندەردىڭ ءوز ومىرىندە الار ماڭىزى تۋرالى ويلارىمەن دە بولىسەدى»، - دەيدى «رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ» ديرەكتورى رايسا شەر.
«ءانشۋاق» قازاق تىلىندەگى بالالار ءانى فەستيۆالىنىڭ گالا-كونسەرتى 2025 جىلعى 1 ماۋسىمدا استانا قالاسىندا وتكىزىلەدى. رەسپۋبليكالىق قازىلار القاسى 2025 جىلدىڭ ساۋىرىندە قازاق تىلىندەگى بالالار اندەرى ورىنداۋشىلارى قاتارىنان چەللەندج كەزىندە
- Tik-Tok الەۋمەتتىك جەلىسىندە ەڭ كوپ قارالعان قازاق تىلىندەگى تانىمال بالالار اندەرىن، گالا-كونسەرت باعدارلاماسىنا قاتىساتىن ەڭ جاقسى اندەردى انىقتايدى.
گالا-كونسەرتتىڭ بارلىق قاتىسۋشىلارى ديپلومدارمەن، باعالى سىيلىقتارمەن، «بالداۋرەن» رەسپۋبليكالىق وقۋ-ساۋىقتىرۋ ورتالىعىنا جولدامالارمەن ماراپاتتالادى.