كەشە حالىقارالىق كورمەلەر بيۋروسى (حكب) كۇنى اياسىندا دۇنيەجۇزىلىك EXPO 2020 Dubai كورمەسىنىڭ جۇمىسى قورىتىندىلاندى.
EXPO Awards ماراپاتتارىن تاپسىرۋ ءراسىمى ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«QazExpoCongress» ۇلتتىق كومپانياسى» اق-دان ءمالىم ەتكەندەي، قازاقستان رەسپۋبليكاسىنىڭ ۇلتتىق پاۆيلونى الەمنىڭ 192 ەلى اراسىندا 2-ورىنعا يە بولدى جانە باستى جۇلدە «كورمە تاقىرىبىن اشۋ» اتالىمى بويىنشا كۇمىس جۇلدە الدى.
«سونىمەن قاتار، قازاقستان پاۆيلونى حالىقارالىق Exhibitor Magazine جۋرنالىنىڭ نۇسقاسى بويىنشا Best Presentation نوميناسياسىندا ءبىرىنشى ورىندى جانە Best Large Pavilion نوميناسياسىندا ءۇشىنشى ورىندى جەڭىپ الدى. قازاقستان پاۆيلونى EXPO 2020 Dubai كورمەسىندە توپ-10 پاۆيلوندارى قاتارىندا. جالپى، كورمە اشىلعالى پاۆيلوندى 1 ملن 617 مىڭ ادام تاماشالادى»، - دەدى كومپانيادان.
ايتا كەتەيىك، «كورمە تاقىرىبىن اشۋ» اتالىمى بويىنشا ءبىرىنشى ورىندى – گەرمانيا، ءۇشىنشى ورىندى يتاليا يەلەندى.