«الاتاۋ» ءداستۇرلى ونەر تەاترىندا رەسپۋبليكا كۇنى قارساڭىندا تالانتتى كومپوزيتور تەمىرجان بازاربايەۆتىڭ 90 جىلدىق تورقالى تويىنا وراي، مۇمكىندىگى شەكتەۋلى زاعيپ انشىلەر اراسىندا وتكەن ءى حالىقارالىق «ەكى جۇلدىز» ءان فەستيۆالى مارەسىنە جەتىپ، جاڭا جۇلدىزدار ونەردىڭ كوگىندە ءجۇزدى.
كوڭىل-كۇيدى كوكىرەك كوزىمەن كورگەن
بۇدان سەگىز جىل بۇرىن رەسپۋبليكا اۋماعىندا عانا ۇيىمداستىرىلىپ كەلگەن اتالعان فەستيۆال بيىل حالىقارالىق دارەجەدە ۇيىمداستىرىلىپ، وزبەكستان، قىرعىزستان، تۇركيا مەملەكەتتەرىنەن كەلگەن ونەرپازداردى قۇشاق جايا قارسى الدى. «الاتاۋ» ءداستۇرلى ونەر تەاترىنىڭ الدىنا اق ليمۋزين كولىگىمەن سالتاناتتى تۇردە جەتكىزىلىپ، قىزىل كىلەم ارقىلى ءجۇرىپ وتكەن ونەر كوشىن «ەكى جۇلدىز» جوباسىنىڭ اۆتورلارى – بىرنەشە رەسپۋبليكالىق جانە حالىقارالىق بايقاۋدىڭ لاۋرەاتتارى، ءاپالى-ىنىلى نۇربەك عيزاتوۆ پەن «ونەر بۇلاعى» قوعامدىق قورىنىڭ پرەزيدەنتى ءباتيما ساعىنعالي قىزى، حالىقارالىق «ەكى جۇلدىز» ءان فەستيۆالىنىڭ ديرەكتورى، قازاق ونەرىنىڭ قايراتكەرى، قازاقستان رەسپۋبليكاسىنىڭ مادەنيەت قايراتكەرى، پرەزيدەنتتىڭ قۇرمەت گراماتوسىنىڭ يەگەرى، كينورەجيسسەر، ءانشى عازيزحان ءادىلحانوۆ باستاپ بەردى. ال، ساحنا شىمىلدىعىن الماتى قالاسى كورۋ مۇمكىندىگى شەكتەۋلى جانداردىڭ دەمالىسىن ۇيىمداستىرۋ ءبولىمىنىڭ «اتا مۇرا» ۇلت-اسپاپتار ءانسامبلى «كورۇعلى» كۇيىمەن اشتى.
«ەكى جۇلدىز» ءدال بۇگىن سامعار كوككە،
جارىعىن شاشىپ ءوتسىن توڭىرەككە.
قازاقتىڭ ءان مۇراسى ماڭگى جاساپ،
ماڭگى ولمەيتىن ءان قالسىن بار جۇرەكتە!
– دەپ مانەرلى ولەڭىمەن ءسوز باستاعان اسەم جۇرگىزۋشىلەر – «الاتاۋ» ءداستۇرلى ونەر تەاترىنىڭ ارتىستەرى بيبىگۇل ورازبەك قىزى مەن ارحيمەد ومار كورەرمەنمەن امانداسىپ، «الاتاۋ» ءداستۇرلى ونەر تەاترى ديرەكتورىنىڭ ورىنباسارى اقبەرگەن جۇمابايەۆ ونەر فەستيۆالىنە قۇتتىقتاۋىنجولدادى.
ەكى كۇن بويى ءۇش شەت مەملەكەتتەن، توعىز ايماعىمىزدان جيىلعان 14 جۇپ ءانشى ساحنا كورىگىن قىزدىرىپ، جۇرەكتەردى تەربەتىپ، كورەرمەن كوزايىمىنا اينالدى. «ءاندى سۇيسەڭ – مەنشە ءسۇي» دەپ ۇلى اباي ايتپاقشى، تىڭداۋشىنىڭ قۇلاعىنا جەتكەن ءاسەرلى ءان ونىڭ جۇرەگىنە نۇر شاشقانداي. قاسيەتتى توپىراقتىڭ ەرەكشەلىگىن انگە قوسىپ، اڭساۋ مەن ساعىنىشتى ارقاۋ ەتكەن كومپوزيتور تەمىرجان بازاربايەۆتىڭ «اۋىلىم»، ساعىنىش پەن اڭساۋعا تولى «قازدار قايتقاندا» اندەرى كيەلى ساحنادا الدەنەشە رەت شىرقالسا دا، انسۇيەر قاۋىمنىڭ قۇلاق قۇرىشىن قاندىرعانداي.
ءاءدىلقازى القاسىنداعى رەسپۋبليكامىزدىڭ مادەنيەت قايراتكەرلەرءى، ءداستۇرلى ءانشىلەر الما امانجولوۆا، ساندۋعاش ستامعازييەۆا، حالىقارالىق، رەسپۋبليكالىق ءان بايقاۋلارىنىڭ جۇلدەگەرى دۋمان جاقانبايەۆ، اكتەر ەسەناي يلياسوۆقا جەڭىمپازدى انىقتاۋ دا وڭايعا تۇسپەگەنى راس. ءار دۋەت ونەر كورسەتكەن سايىن باعالاۋشىلار «5»-تەن «10»-عا دەيىنگى باعا بەرىپ، ونىڭ دا سەبەپ-سالدارىن اشىپ ايتىپ وتىردى.
اتا-انادان جاستايىنان جەتىم قالىپ، تاعدىردىڭ باسقا سالعانىن كورىپ، قانشاما قينالسا دا، بوزبالا تەمىرجان ءومىر تولقىنىندا شىڭدالعان.ونەر بايقاۋىنا ب ا ق سىناۋعا كەلگەن ونەرپازدار داقوس جانارىنىڭ ءقادىرىن قاتتى سەزىنگەن ءداپ سونداي كۇرەسكەر جاندار. ەكى كۇندىك دودادا جارىق دۇنيەنى كوزبەن كورمەسە دە، كوكىرەك كوزىمەن سەزىنگەنكاسىبيلىككە ۇمتىلعان انشىلەردىڭ جولى بولدى. ءبىرى كوللەدجدە، ءبىرى كونسەرۆاتوريادا وقيتىن جاس دارىندار – نۇردانا ارعىن مەن ايسۇلۋ تۇرىمبەك بايقاۋعا ۇسىنعان ەكى انىمەن دە وق بويى وزىق شىقتى. «قازدار قايتقاندا» ءانىن سىزىلتا شىرقاعان جۇپ مۇقاعالي ماقاتايەۆتىڭ سوزىنە جازىلعان التىنبەك قورازبايەۆتىڭ «سارى الا قاز» ءانىن ورىنداپ، شابىتتىڭ شىرقاۋ شەگىنە كوتەرىلىپ، گران-پري جۇلدەسىن العاۋسىز جەڭىپ الدى. ولارعا «ەكى جۇلدىز» مۇسىنشەسى مەن 500 مىڭ تەڭگەنىڭ سەرتيفيكاتى ۇسىنىلدى.
كءوڭىل قۇسىن شارتاراپقا شالقىتقان
ءبىرىنشى جۇلدەلى ورىندى قازاقتىڭ قارا دومبىراسىن قاستەرلەگەن العىسبەك داۋەن مەن ەرحات تاجىبايەۆ اقىن احمەت كەندىربايەۆتىڭ سوزىنە جازىلعان كومپوزيتور تەمىرجان بازاربايەۆتىڭ ۇمىتىلىپ بارا جاتقان «ساعىنىش» اتتى ءانىن جاڭعىرتىپ، ادەمى ورىنداۋىمەن كورەرمەن مەن ءادىلقازى نازارىن بىردەن وزىنە اۋداردى. جىگىتتەر دە جارقىراعان «ەكى جۇلدىز» مۇسىنشەسىن يەلەنىپ، 300 مىڭ تەڭگەنىڭ جۇلدەسىن قانجىعاسىنا بايلادى.
ەكىنشى ورىنعا وزبەكستان رەسپۋبليكاسى، تاشكەنت قالاسىنان كەلگەن سۋراەحون كاريموۆا مەن ازيزجون كوسيموۆ لايىق دەپ تانىلدى. «قازدار قايتقاندا» ءانىن وزبەكشە ورنەكپەن ارلەپ، شىرقاۋ داۋىسپەن ءان سىزىلتقان سۇيكىمدى جۇپ كوپتىڭ قوشەمەتىنە ءا دەگەننەن-اق بولەندى. ەكىنشى ورىندى جەڭىپ العان ەكىنشى دۋەت – قاراعاندىلىق ەكاتەرينا ابيشيەۆا مەن ەمينا ۆىسوچينسكايا بۇل ءاندى دجاز ستيلىنە سالىپ، تارتىمدى جەتكىزۋىمەن ەرەكشەلەندى. بۇل جۇپتار 200 مىڭ تەڭگەلىك جۇلدەسىمەن سۇيىنشىلەندى.
ال سەمەيدەن كەلگەن تاماشا ۆوكاليستەر ايشا وماربەكوۆا مەن گۇلزيا بايجۇمانوۆا تەمىرجان بازاربايەۆتىڭ «جاڭا جەرلەر، جاسىل كولدەر» اتتى سيرەك شىرقالاتىن ءانىن پاش ەتىپ، ءۇشىنشى ورىندى جەڭىپ السا، شىمكەنتتىك اسەت سەرىكباي مەن اكىمجان ءومىرتاي گيتارامەن شەبەر ورىنداۋشىلىق تانىتىپ، جۇلدەگەرلەر قاتارىنا ءىلىندى. ءۇشىنشى ورىن يەلەرىنە 100 مىڭ تەڭگەنىڭ سەرتيفيكاتى ۇسىنىلدى.
سونداي-اق، «كورەرمەن كوزايىمى» جۇلدەسى تۇرىك حالقىنىڭ ءازيز انىمەن قوناقكادەسىن جاساعان رەدجەپ سايگىلى مەن كاميل گەچمەنگە بۇيىردى. اقتاۋدان ات ارىلتىپ كەلگەن شىنار نيەتقالييەۆا مەن وتەگەن بازاربايەۆ «ەڭ ادەمى انشىلەر» اتانسا،«اكتەرلىك شەبەرلىگى ءۇشىن» دەگەن اتاۋعا ونەرگە دەگەن ىنتا-جىگەرىءنىڭ ارقاسىندا وسكەمەندىك قوس ونەرپاز دينارا ءابىلقايىروۆا مەن ماعزات مۇقاشيەۆ لايىق بولدى. قىرعىز ەلىنەن كەلگەن ايىر قالپاقتى اعايىندار – مارس جاكۋپوۆ پەن ەرنيسبەك جۋماگۋلوۆ بايان مەن كومۋزدى ۇيلەستىرە ءان شىرقاپ، «ەڭ مىقتى سۇيەمەلدەۋشى» اتاندى.
حالىقارالىق دارەجەدەگى مۇنداي ءىس-شارانى وتكىزۋ اتىمتاي جومارت دەمەۋشىلەرسىز قيىن ەكەنى انىق. اقشالاي جانە زاتتاي دەمەۋشىلىگىن اياماعان قايىرىمدى، ونەرگە جاناشىر ازاماتتار دا «العىس حاتپەن» ماراپاتتالدى. ولار: «تارباعاتاي» مەيرامحاناسىنىڭ باسشىسى امينا تۇرىسبەك قىزى تولەكوۆا، «ADD» ءقوناقۇيىنىڭ باسشىسى ايناگۇل بالابييەۆا، «كازپرو ENERGY» ءجشس-ىنىڭ باسشىسى ارمان ەركەبۇلان ۇلى سارىنوۆ، «داۋلەت-بەكەت» ءجشس-ىنىڭ باسشىلارى سىدىق بەكەت پەن اقمارال سىدىق قىزى، قوجا-احمەت ياسساۋي قورىنىڭ ءتوراعاسى دجۋراحودجا تاسحودجايەۆ، كاسىپكەرلەر گۇلسارا سۋاز قىزى، مارال مەن جانبولات بەكمۇسايەۆتار، «قازاق انالارى – داستۇرگە جول» رەسپۋبليكالىق قوعامدىق بىرلەستىگى الماتى وبلىسى ىلە اۋدانى فيليالىنىڭ ءتورايىمى كاميلا ساپارحايىر، وسى بىرلەستىكتىڭ مارتەبەلى مۇشەسى بايان احمەتوۆا سىندى دەمەۋشىلەر بولسا، فەستيۆالگە اقپاراتتىق دەمەۋشى بولعان «الماتى اقشامى»، «الاتاۋ» تەلەارناسى، «قازاقستان ءداۋىرى»، «ءۇش قوڭىر» گازەتتەرى مەن «يگىلىك» جۋرنالىنىڭ باسشىلارىنا «العىس حات»ۇسىنىلدى.
سونداي-اق، گالا-كونسەرتتە الماتى قالاسى ساڭىراۋلار مادەنيەت ءۇيىنىڭ ونەرپازدارى: مامىر ايىندا اباي وبلىسى، سەمەي قالاسىندا وتكەن كسرو حالىق ءارتىسى، قازاقتىڭ بۇلبۇل كومەي ءانشىسى بيبىگۇل تولەگەنوۆانىڭ 95 جىلدىق مەرەيتويىنا ارنالعان ىمداپ ءان ايتۋ بويىنشا ح رەسپۋبليكالىق بايقاۋدىڭ گران-پري جۇلدەسىن جەڭىپ العان اناستاسيا سامويلوۆا مەن ەلدوس مارات ۇلىنىڭ «زەركالا» دۋەتى، حالىقارالىق بايقاۋلاردىڭ لاۋرەاتتارى اليم مەنديبايەۆ پەن لاۋرا كوروليەۆانىڭ ورەلى ونەرى كورەرمەن كوڭىلىنەن شىقتى.
... سازگەرلىك ىزگىلىكتى ىزگە ءتۇسىپ، ەلەۋلى ەڭبەگىمەن بابالار ءۇنىن ۇلىقتاپ، ۇرپاقتارعا جەتكىزە ءبىلگەن تالانت يەسى، قازاقستاننىڭ ەڭبەك سىڭىرگەن قايراتكەرى تەمىرجان بازاربايەۆتىڭ ماعىنالى عۇمىرىنداعى سانالى ءومىر سوقپاعى ومىرشەڭ ونەرگە وسىلايشا سارا جول سالدى. ءالى تالاي زەردەلى زەرتتەۋدى قاجەت ەتەتىن تەمىرجان كوكەمىزدىڭ كوكىرەك-كوزدى اشىپ، كوڭىل قۇسىن شارتاراپقا شالقىتاتىن اندەرى ەل-جۇرتىن شاتتىق قۇشاعىنا بولەي بەرەتىنىنە بەك سەنىمدىمىز.