رەسەي فەدەراسياسىنان حالىقارالىق باقىلاۋشىلار ميحايل لەبەندەنسكيي مەن ليرا بۋراك الماتى قالاسىنىڭ سايلاۋ ۋچاسكىلەرىندەگى داۋىس بەرۋ بارىسى تۋرالى ءوز باقىلاۋلارىنىڭ ناتيجەسىن حابارلادى.
- ءبىز ەكى كۇن بۇرىن رەفەرەندۋمعا دايىندىق بارىسىن باقىلاۋدى باستادىق. باقىلاۋ ناتيجەسىندە بارلىق داۋىس بەرۋ ورتالىقتارى جوعارى دەڭگەيدە دايىن ەكەنىن ايتا الامىز. سونداي-اق، قالا تۇرعىندارىمەن تىلدەسۋ بارىسىندا الماتىلىقتاردىڭ رەفەرەندۋم تۋرالى بارىنشا اقپاراتتانعانىنا كوزىمىز جەتتى. بۇگىن سايلاۋ ۋچاسكەلەرىنىڭ اشىلۋىنان باستاپ، 12 ورتالىقتى ارالاپ ۇلگەردىك. كۇننىڭ سوڭىندا دەيىن ازىرگە بارماعان سايلاۋ ۋچاسكىلەرىن باقىلايتىن بولامىز. ادامداردىڭ بەلسەندىلىگى تۋرالى ايتاتىن بولساق، الماتىلىق داۋىس بەرۋشىلەر تاڭعى ساعات 8:30-دان باستاپ بەلسەندى كەلە باستادى. 10:00-گە قاراي ادامداردىڭ سانى كۇرت كوبەيگەنى كورىندى. قازاقستاندا داۋىس بەرۋ ءبىر كۇنگە عانا سوزىلاتىندىقتان بارلىق ادامداردىڭ داۋىس بەرىپ ۇلگەرگەنى ماڭىزدى، – دەدى ميحايل لەبەندەنسكيي.
- تۇسكە دەيىنگى باقىلاۋىمىز بويىنشا داۋىس بەرۋ ورتالىقتارىندا قاجەتتى جابدىقپەن قامتۋ جاعىنان زاڭ بۇزۋشىلىق تىركەلمەدى. مۇمكىندىگى شەكتەۋلى ادامدارعا بارلىق جاعداي جاسالعان. جالپى سايلاۋ ورتالىقتارىنداعى كوڭىل-كۇي تۇراقتى، ءتىپتى كوڭىلدى دەسە بولادى، – دەدى ليرا بۋراك.