الماتى قالالىق كارديولوگيا ورتالىعىنىڭ دارىگەر-ەپيدەميولوگى قۇرالاي كادىرالى قىزى وتباسىمەن بارىپ رەسپۋبليكالىق رەفەرەندۋمعا داۋىس بەردى. ول داۋىس بەرۋشىلەردىڭ سانى ساعات ساناپ ارتىپ كەلە جاتقانىن ايتادى دەپ حابارلايدى almaty-akshamy.kz
– بۇگىن جۇبايىمىز ەكەۋمىز ناۋرىزباي اۋدانىنداعى «شۇعىلا» ىقشاماۋدانىنا قاراستى «ساماي» ماتەماتيكا-لينگۆيستيكالىق مەكتەبىندە ورنالاسقان №577 سايلاۋ ۋچاسكەسىنە كەلىپ ءوز تاڭداۋىمىزدى جاساپ، داۋىس بەردىك.
بايقاعانىم، داۋىس بەرۋگە باستاپقىدا ەگدە جاستاعى تۇرعىندار كوپ كەلىپ جاتتى. اجەلەرىمىز كاجەكەيلەرىن كيىپ، ساندەنىپ العان. ودان كەيىن جاس وتباسىلار بالالىرىمەن بىرگە بارىپ، ءوز تاڭداۋلارىن جاسادى. تۇسكە قاراي جاستار ءتىپتى كوبەيە ءتۇستى.
ال داۋىس بەرۋ ۋچاسكەسىندە بارلىق جاعداي جاسالعان. دايىندىق جوعارى دەڭگەيدە ۇيىمداستىرىلىپتى. دالىزدە كۇي كۇمبىرلەپ، پاتريوتتىق اندەردى ەستىدىك. جالپى، حالىقتىڭ كوڭىل كۇيى – جامان ەمەس، قاباقتارى اشىق، جۇزدەرى جىلى. داۋىس بەرۋگە كەلگەن حالىقتىڭ كوپتىگىنەن بولاشاققا دەگەن سەنىمدى بايقاۋعا بولادى.