– بۇگىنگى ءوتىپ جاتقان رەفەرەندۋمعا ءبىر كىسىدەي قاتىسىپ، وزگەرىسكە جارشى بولۋ نيەتىمەن جارقىن بولاشاعىمىز ءۇشىن داۋىس بەرۋ – ءاربىر قازاقستاندىق ازاماتتىڭ قاستەرلى پارىزى دەپ بىلەمىن. ق ر پرەزيدەنتىنىڭ «جاڭا قازاقستان» جوباسى – ادىلەتتى، جاڭعىرعان، دامىعان قازاقستان بولادى دەگەن ۇمىتتەمىن. اتا زاڭعا ەنگىزىلەتىن تولىقتىرۋلاردىڭ دا ماڭىزى ەرەكشە. بۇگىنگى داۋىس بەرگەن ءاربىر ازاماتتىڭ جۇرەگىندەگى ۇكىلى ءۇمىتى ول الداعى ۋاقىتتا قازاقستان بيلىگى جەكە تۇلعانىڭ ىقپالىندا بولماسىن دەگەن تىلەك قانا. سونداي-اق قازاقستاننىڭ جەر قويناۋىنىڭ بايلىعى، ءتۇرلى ماتەريالدىق يگىلىكتەردىڭ بارلىعى ەلدىڭ جەكە يگىلىنە اينالادى دەگەن سەنىمدەمىز. ەڭ ماڭىزدىسى، مەملەكەتىمىزدىڭ دامۋىن تەجەپ كەلە جاتقان جەمقورلىق سىندى دەرتتەرگە تيىم سالىنسا دەگەن ەلدىك تالابىمىز بار.
ەرتەڭگى وزگەرىس بۇگىننەن باستالادى. ءبىزدىڭ مەملەكەتىمىز وزگەرىستەن، دامۋدان، جاڭارۋدان قورىقپاۋ كەرەك.