حالىقارالىق ايەلدەر كۇنى قارساڭىندا قازاقستاننىڭ توتەنشە جاعدايلار مينيسترلىگى ءبىزدىڭ كەرەمەت، كۇشتى، باتىل جانە شابىتتاندىراتىن قىزمەتكەرلەرىمىزدى قۇتتىقتاۋعا ارنالعان چەللەندجدى باستادى!
وسى چەللەندج اياسىندا تجم كۇندەلىكتى قاۋىپسىزدىكتى قامتاماسىز ەتەتىن جانە ومىرلەردى قۇتقاراتىن ادامدار تۋرالى ءسوز قوزعايدى.
ازاماتتىق قورعاۋ ورگاندارىندا ءارتۇرلى كاسىپتەردەگى ايەلدەر قىزمەت ەتەدى، ولاردىڭ ەڭبەگى ءبىزدىڭ جۇيەمىزدە ماڭىزدى ءرول اتقارادى. بۇل ايەلدەر - ۇشقىشتار، كينولوگتار، قۇتقارۋشىلار، ديسپەچەرلەر، راديوتەلەفونشىلار، ينسپەكتورلار، تج باسقارمالارى مەن بولىمدەرىنىڭ باستىقتارى، پسيحولوگتار، دارىگەرلەر جانە ورتالىق اپپاراتتىڭ ماماندارى. وسىنداي قيىن جۇمىستا ولار ءوز كاسىبىنە دەگەن ادالدىقتى وتباسىنا قامقورلىقپەن بىرىكتىرەدى، ولاردىڭ كوپشىلىگى كوپ بالالى انالار.
ار — نامىسى مەن قادىر-قاسيەتى بار ايەلدەر ەرلەر كاسىبىنىڭ جۇگىن، ياعني رەسپۋبليكا ازاماتتارى مەن اۋماعىن ءارتۇرلى سيپاتتاعى توتەنشە جاعدايلاردان قورعاۋدى ءوز موينىنا الادى. ازاماتتىق قورعاۋ ورگاندارىنداعى قىزمەت ايەلدەردەن كوپتەگەن داعدىلار مەن جاۋاپكەرشىلىكتى تالاپ ەتەدى جانە ولار وزدەرىنىڭ جۇمىسىنا دەگەن ادالدىقتارىندا ەر ادامداردان كەم تۇسپەيدى.