كەز كەلگەن ازامات ەلىمىزدىڭ زاڭ قوعامداستىعىنداعىەڭ ۇزدىك وكىلدەردەن تەگىن قاجەتتى كەڭەس الا الادى
«16 قىركۇيەك كۇنى جەرگىلىكتى ۋاقىتپەن ساعات 16:00-دە قازاقستاننىڭ بارلىق ءىرى قالالارىندا «حالىق زاڭگەرى» جالپىرەسپۋبليكالىق اكسياسى باستالادى»، دەپ حابارلايدى Almaty-akshamy.kz.
اكسيانىڭ ماقساتى - حالىقتىڭ قۇقىقتىق ساۋاتتىلىعىن ارتتىرۋ جانە تەگىن زاڭ جونىنەن كومەك كورسەتۋ. كەز كەلگەن ازامات ەلىمىزدىڭ زاڭ قوعامداستىعىنداعىەڭ ۇزدىك وكىلدەردەن تەگىن قاجەتتى كەڭەس الا الادى. ولاردىڭ اراسىندابەلگىلى ادۆوكاتتار، نوتاريۋستار، پروكۋرورلار، تەرگەۋشىلەر، سوت ورىنداۋشىلارى، مەملەكەتتىك ورگانداردىڭ باسشىلارى جانە ت. ب. بار.
اكسيانى ۇيىمداستىرۋشىلار ق ر سىبايلاس جەمقورلىققا قارسى ءىس-قيمىل اگەنتتىگى، zakon.kz جەلىلىك باسىلىمى، «پاراگراف» اقپاراتتىق جۇيەسى، مەملەكەتتىك بيلىك ورگاندارى جانە قازاقستاننىڭ ۇزدىك زاڭگەرلەرى مەن ادۆوكاتتارى.
«حالىق زاڭگەرى» اكسياسىن وتكىزۋ داستۇرگە اينالدى جانە قاراپايىم قازاقستاندىقتار العىسىن بىلدىرۋدە. 2016-2019 جىلدار ارالىعىندا اكسياعا 7000-نان استام ۇزدىك ساراپشىلار مەن مەملەكەتتىك ورگانداردىڭ شەشىم قابىلداي الاتىن قۇزىرەتكە يە وكىلدەرى قاتىستى. قۇقىقتىق كومەككە جۇگىنگەن 100 000-نان استام ازامات كەڭەس الدى.
كارانتيندىك شەكتەۋلەر ەنگىزىلگەن كەزەڭدە «حالىق زاڭگەرىن» وتكىزۋ توقتاتىلدى. 2022 جىلى سانيتارلىق-ەپيدەميولوگيالىق جاعدايدىڭ قالىپقا كەلۋىنە بايلانىستى وسى الەۋمەتتىك ماڭىزى بار ءىس-شارانى قايتا باستاۋ تۋرالى شەشىم قابىلداندى.
الماتى قالاسى بويىنشا مىنا مەكەنجايدا وتەدى: نۇركەنت ىقشام اۋدانى، 7 كورپۋس، «الماتى ارەنا» مۇز كەشەنى.
اكسيا فورماتىنىڭ قازاقستاندا عانا ەمەس، سونداي-اق اۋقىمى مەن گەوگرافياسى بويىنشا الەمدە تەڭدەسى جوق.