اباي اتىنداعى قازۇپۋ-دا ەل پرەزيدەنتى قاسىم-جومارت توقايەۆتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋى تالقىلاندى. ءىس-شاراعا ۋنيۆەرسيتەت باسشىلىعى، پروفەسسور-وقىتۋشىلار قۇرامى، ستۋدەنتتەر، سونداي-اق «امانات» پارتياسى مەن ب ا ق وكىلدەرى قاتىستى، دەپ حابارلايدى اlmaty-akshamy.kz.
ءىس-شارا بارىسىندا ەل ەكونوميكاسىن جانە ونىڭ بارلىق سالالارىن، ءبىرىنشى كەزەكتە ءبىلىم بەرۋدى ودان ءارى دامىتۋدىڭ وزەكتى ماسەلەلەرى تالقىلاندى. «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسىنا ەرەكشە نازار اۋدارىلدى. بايانداماشىلار مەملەكەت باسشىسىنىڭ ەلىمىزدىڭ جاستارى مەن بالالارىن الەۋمەتتىك قولداۋدى جاڭعىرتۋ، پەداگوگيكالىق سالاداعى كادرلاردى دايارلاۋ ساپاسى جونىندەگى باستامالارىن ەرەكشە اتاپ ءوتتى.
رەكتور د.ءبىلالوۆ ءوز سوزىندە جولداۋدىڭ جوعارى ءبىلىمدى دامىتۋدىڭ نۇسقاۋلىعى رەتىندەگى ماڭىزدىلىعىنا توقتالدى. ەلباسى العا قويعان مىندەتتەردى جۇزەگە اسىرۋ وتاندىق جوعارى وقۋ ورىندارىنىڭ جۇمىسىن ساپالى وزگەرتۋگە عانا قىزمەت ەتەدى.
«جولداۋ ەلىمىزدىڭ الەۋمەتتىك-ەكونوميكالىق دامۋىن باعدارلاپ، الداعى ساياسي وزگەرىستەرىن ايقىنداپ بەردى. بەس باعداردى قامتيتىن ساياسي قۇجاتتا ەل پرەزيدەنتى «مەملەكەت، ەڭ الدىمەن، بارىنە بىردەي مۇمكىندىك بەرىپ، ادىلدىك ورناتادى. قوعام يگىلىگىنە ارنالعان قىزمەت دەڭگەيى جوعارى بولۋىنا كەپىلدىك بەرەدى. الەۋمەتتىك جاعىنان ءالسىز توپتاعى ازاماتتارعا قولداۋ كورسەتەمىز» دەپ باسىپ ايتتى»، – دەدى رەكتور.
جولداۋدىڭ ءۇشىنشى باعدارى ەلىمىزدىڭ باستى قۇندىلىعى – ادامي كاپيتالدى دامىتۋعا ارنالىپ وتىر. وسى ورايدا، مەملەكەت باسشىسى ەل بولاشاعىن ستراتەگيالىق ينسۆەستيسيالاۋ قاجەتتىگىن ايتىپ ءوتتى. ول ءۇشىن ۇلتتىق بايلىقتى تەڭ ءبولۋ جانە بارشاعا بىردەي مۇمكىندىك بەرۋ – رەفورمانىڭ باستى ماقساتى بولۋى ءتيىس ەكەندىگىن تىلگە تيەك ەتتى.
ءىس-شارادا ءسوز سويلەگەن سپيكەرلەر جولداۋدا ايتىلعان باستامالار تۋرالى ءوز پىكىرلەرىن ءبىلدىرىپ، نەگىزگى باعىتتارىن ناقتىلادى.
تالقىلاۋ قورىتىندىسى بويىنشا ءىس-شاراعا قاتىسۋشىلار قىركۇيەكتەگى جولداۋ ەلىمىزدىڭ وركەندەگەن مەملەكەتتى قالىپتاستىرۋ جولىنداعى ودان ءارى ىلگەرىلەۋىنىڭ ستراتەگيالىق باعىتىن بەلگىلەگەنىن، وعان ءاربىر ازامات ءوزىنىڭ لايىقتى ۇلەسىن قوسۋى كەرەكتىگىن اتاپ ءوتتى. اباي اتىنداعى قازۇپۋ ۇجىمى پرەزيدەنتتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋى تاۋەلسىز قازاقستان تاريحىنىڭ جاڭا بەتتەرىن اشىپ، ەل دامۋىنا جاڭا سەرپىن بەرەتىندىگىنە سەنىمدى.
ريمما ابدىقادىر قىزى.