18 جاسقا تولماعان بالالاردىڭ بارىنە جەكە جيناقتاۋشى ەسەپشوت اشىلاتىن بولادى
ۇلتتىق قور تابىسىن بالالارعا اۋدارۋدىڭ تەتىكتەرى قاراستىرىلىپ جاتىر. قاراجات جىلىنا ءبىر رەت 2024 جىلدىڭ باسىندا بارىنە تەڭدەي اۋدارىلا باستايدى. بۇل تۋرالى ۇلتتىق ەكونوميكا ءمينيسترى مالىمدەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
الىبەك قۋانتىروۆ پرەزيدەنت تاپسىرماسىنا سايكەس ءقازىر ەسەپتەۋلەر قوسىمشا پىسىقتالىپ جاتقاندىعىن ايتتى. 18 جاسقا تولماعان بالالاردىڭ بارىنە جەكە جيناقتاۋشى ەسەپشوت اشىلاتىن بولادى.
«ءقازىر مەحانيزم قاراستىرىلىپ جاتىر. قاراجاتتى قالاي اۋدارۋ قاجەت، بارلىق تەتىكتى پىسىقتاپ جاتىرمىز. پرەزيدەنتتىڭ «ۇلتتىق قور – بالالارعا» باستاماسىن جۇزەگە اسىرۋ ماقساتىندا ۇكىمەت ۇلتتىق بانكپەن بىرلەسىپ، باعدارلامانى ىسكە قوسۋ جۇمىستارىن باستاپ كەتتى. 2024 جىلدان باستاپ جىل سايىن بالالاردىڭ ەسەپشوتىنا ۇلتتىق قوردىڭ ينۆەستيسيالىق تابىسىنىڭ جارتىسى اۋدارىلا باستايدى»، – دەدى ق ر ۇلتتىق ەكونوميكا ءمينيسترى الىبەك قۋانتىروۆ.