الماتى قالاسى قوعامدىق كەڭەسىنىڭ مۇشەسى، "TIMUS DEVELOPMENT" ج ش س ديرەكتورى تيمۋر نۇرتايەۆ ساناق بارىسىندا الىنعان حالىق سانى تۋرالى دەرەكتەر بيلىككە مەكتەپتەر، بالاباقشالار، اۋرۋحانالار مەن ەمحانالارداعى ورىن جەتىسپەۋشىلىگىمەن كۇرەسۋگە، سونداي-اق مەگاپوليس پەن ەلدە تۋىنداعان باسقا دا ماسەلەلەردى شەشۋگە كومەكتەسەتىنىن ايتتى، دەپ حابارلايدى almaty-akshamy.kz
تيمۋر تايماس ۇلىنىڭ پىكىرىنشە، حالىق ساناعى – كەز كەلگەن مەملەكەت ءۇشىن ومىرلىك ماڭىزدى وقيعا. ولاردىڭ سانى تۋرالى مالىمەتتەر قالاعا جاڭا مۇمكىندىكتەر، سونىڭ ىشىندە قارجىلىق مۇمكىندىكتەر اشۋعا كومەكتەسەدى.
«الماتى – قارقىندى ءوسىپ، بەلسەندى دامىپ كەلە جاتقان قالا. بىزگە تۇراقتى تۇرۋعا جانە جۇمىس ىستەۋگە كوپتەگەن ادامدار كەلەدى. ءبىراق تۇرعىندار نەعۇرلىم كوپ بولسا، الەۋمەتتىك جانە ينجەنەرلىك ينفراقۇرىلىمعا جۇكتەمە سوعۇرلىم جوعارى بولادى. مەگاپوليستىڭ دامۋىن بولاشاققا جوسپارلاۋ ءۇشىن حالىق سانى تۋرالى ناقتى مالىمەتتەر بولۋى قاجەت»، - دەپ ەسەپتەيدى تيمۋر نۇرتايەۆ.
ول ساناق قورىتىندىسى بويىنشا، جەرگىلىكتى اتقارۋشى ورگاندار بيۋدجەت قاراجاتىن تۇرعىنداردىڭ وزەكتى ماسەلەلەرىن شەشۋگە قايتا ءبولىپ، كولىك جۇكتەمەسىن دۇرىس جوسپارلاي الاتىنىن ايتتى. بۇدان باسقا، ناتيجەلەر الەۋمەتتىك باعدارلامالاردى ازىرلەۋ كەزىندە ەسكەرىلەتىن بولادى.
«قۇرىلىس كومپانياسىنىڭ يەسى رەتىندە حالىق ساناعى ازاماتتاردىڭ الەۋمەتتىك ماڭىزى بار نىساندار مەن ينفراقۇرىلىمعا دەگەن سۇرانىسىن انىقتاۋعا كومەكتەسەتىنىن اتاپ وتكىم كەلەدى»، - دەپ جالعاستىردى تيمۋر نۇرتايەۆ.
بۇل ساناقتىڭ ەرەكشەلىگى – سايتتاعى ساناق پاراقتارىنىڭ سۇراقتارىنا جاۋاپ بەرە وتىرىپ، ءوزىڭىز تۋرالى دەرەكتەردى جەلىدە قالدىرۋ مۇمكىندىگى https://sanaq.gov.kz/
الماتى قوعامدىق كەڭەسىنىڭ مۇشەسى تيمۋر نۇرتايەۆ ساناق ناۋقانى باستالعاننان كەيىن بىردەن جاڭا فورماتتى پايدالانىپ، ساناقتان ونلاين ءوتتى.
«قۇرىلىسشى رەتىندە ماعان تۇرعىن ءۇي سالىنعان ماتەريالدار تۋرالى ماسەلە ەرەكشە ەستە قالدى. بۇل مەملەكەتكە حالىقتىڭ ءومىر ءسۇرۋ دەڭگەيىنە، تۇرمىستىق ءال-اۋقاتىنا بايلانىستى تۇرعىن ءۇي قورىنىڭ ساپاسى تۋرالى ناقتى تۇسىنىك بەرەدى. تەك وسىلاي عانا تۇرعىن ءۇي ساياساتىنىڭ، اۋماقتاردى دامىتۋدىڭ ەڭ ءتيىمدى باعىتىن تاڭداۋعا، ءبىزدىڭ تۇرعىن ءۇيىمىزدىڭ سەيسميكتەر جانە ءوڭىردىڭ ەرەكشەلىگىنە بايلانىستى باسقا دا پارامەترلەر تۇرعىسىنان قانشالىقتى ءقاۋىپسىز ەكەنىن تۇسىنۋگە بولادى»، - دەدى تيمۋر نۇرتايەۆ.
ساراپشى قازىرگى ۋاقىتتا تۇرعىلىقتى جەرى بويىنشا پاتەرلەردى ارالاۋ كەزەڭى باستالعانىن، سوندىقتان قالا تۇرعىندارى ساناقشىلاردان جاسىرىنباۋىن، دەرەكتەردىڭ قولعا تۇسپەيتىنىن ايتتى
«حالىق ساناعى تۇرعىنداردىڭ تابىس دەڭگەيىن، ولاردىڭ ءتۇرلى يگىلىكتەرمەن قامتاماسىز ەتىلۋىن، ومىرمەن قاناعاتتانۋىن، كۇتۋلەرى مەن مۇقتاجدىقتارىن تىركەيدى. وسى اقپاراتسىز مەملەكەت جاردەماقى مولشەرىن، ورتاشا جالاقىنى، ەسەپتىك كورسەتكىشتى جانە ءارقايسىمىزدىڭ ءال-اۋقاتىمىزعا بايلانىستى باسقا دا دەرەكتەردى سانالى تۇردە جوسپارلاي المايدى»، - دەپ تولىقتىردى ءسوزىن تيمۋر نۇرتايەۆ.
2021 جىلعى ساناققا قاتىسۋداعى ءوز تاجىريبەسىنەن تيمۋر تايماس ۇلى وزەكتى جانە ومىرلىك ماڭىزى بار ماسەلەلەر ەكەنىن اتاپ ءوتتى.
«كەرى بايلانىسسىز حالىقتىڭ ناقتى سۇرانىستارىن مەملەكەت تولىق انىقتاي المايدى. سوندىقتان مەملەكەت پەن حالىق اراسىنداعى بايلانىس وسى حالىق ساناعى ارقىلى ىسكە اسادى. ساناق بارىسىندا الەۋمەتتىك جانە ينفراقۇرىلىمدىق شارالاردى قالاي جۇزەگە اسىرۋ كەرەكتىگى ايقىندالادى. دەمەك، ساناققا جاپپاي قاتىسۋ قاجەت. ميتينگىگە بارىپ، قۇر داۋرىققانشا، ساناقتاعى سۇراقتارعا جاۋاپ بەرىپ، ءومىر ءسۇرۋ ساپاسىن وڭ وزگەرتۋگە ىقپال ەتۋگە بولادى. ويتكەنى، ساناق سۇراقتارى ازاماتتاردىڭ ءومىر ءسۇرۋ ساپاسىن جاقسارتۋعا باعىتتالعان. ينتەرۆيۋلەرگە ەسىك اشقاندا، وسىنى ەسكەرگەن ءجون»، - دەدى تيمۋر نۇرتايەۆ.