قازاقستاندا جىل باسىنان بەرى ادام ساۋداسىنا قاتىستى 200 قىلمىستىق ءىس تىركەلدى
ءىىم تەرگەۋ دەپارتامەنتىنىڭ باستىعى سانجار ءادىلوۆتىڭ ايتۋىنشا، ءقازىردىڭ وزىندە 78 ءىس سوتقا جىبەرىلىپ قالعانى تەرگەۋدە. ودان بولەك، 26 ادام سوتتالىپ، ۇكىم شىعارىلعان. بۇل تۋرالى ورتالىق كوممۋنيكاسيالار قىزمەتىنىڭ بريفينگىندە ايتىلدى، دەپ حابارلايدى Almaty-akshamy.kz.
«بۇل قىلمىستار ءۇشىن قىلمىستىق كودەكستىڭ سەگىز بابى بويىنشا جاۋاپكەرشىلىك قاراستىرىلعان. 18 جىلعا دەيىن باس بوستاندىعىنان ايىرۋ جانە مۇلكىن تاركىلەۋ كوزدەلەدى»، - دەدى دەپارتامەنت باسشىسى.
ونىڭ ايتۋىنشا، ادام ساۋداسىنىڭ شەتەلدىك قۇرباندارى سوت شەشىمى شىققانعا دەيىن ەلدە بولادى.
«سونىمەن قاتار بۇل ادامدار اكىمشىلىك جاۋاپكەرشىلىكتەن بوساتىلادى. بۇل ەڭبەككە نەمەسە جىنىستىق قاناۋعا ۇشىراعان ميگرانتتار ءۇشىن قولايلى جاعداي جاساۋعا مۇمكىندىك بەرەدى»، - دەپ قوستى سپيكەر.