بىرەگەي سپورتشى
قازاقتىڭ ماڭداي الدى سپورتشىسى، 36 جاستاعى بوكسشى قانات يسلام (28-0، 22 كو) وسى جىلدىڭ سوڭىنا دەيىن جەكپە-جەك وتكىزۋدى جوسپارلاپ وتىر، دەپ حابارلايدى Almaty-akshamy.kz رrosports.kz-كە سىلتەمە جاساپ.
وسى وقيعاعا ارنالعان بوكس كەشىن Turan Promotion ۇيىمداستىرادى. ءىس-شارانىڭ كۇنى مەن ورنى تالقىلانىپ جاتىر، ءبىراق ونىڭ 2021 جىلى وتەتىنى بەلگىلى.
قانات ستامبۋلدا (تۇركيا) جاتتىعادى. ول جاتتىعۋدى ماۋسىم ايىندا باستاۋدى جوسپارلادى، ءبىراق بەلگىسىز سەبەپتەرمەن كەيىنگە قالدىرىلعان.
كەيىنگى جەكپە-جەگىن ول 21 اقپاندا ماياميدە (فلوريدا، اقش) ەكۆادورلىق دجەيسون ميندوۋگە (14-4-1، 8 كو) قارسى وتكىزدى.
جەتىنشى راۋندتا وتانداسىمىز قارسىلاسىن نوكاۋتقا جىبەردى. جەكپە -جەكتەن كەيىن بوكسشىنىڭ مەنەدجەرى نەلسون لوپەس قاناتتىڭ ماۋسىم ايىندا تاعى ءبىر جەكپە-جەك وتكىزەتىنىن مالىمدەدى. جالپى، بيىل قازاقستاندىق بوكسشى ەكى كەزدەسۋ وتكىزۋدى جوسپارلاعان.
سونداي-اق، اقپان ايىنداعى جەكپە-جەك قازاقستاندىق بىلعارى قولعاپ شەبەرى ءۇشىن 2019 جىلدىڭ قازانىنان بەرگى ءبىرىنشى كەزدەسۋ بولدى. الماتىدا وتكەن كەزدەسۋدە ول تورەشىلەردىڭ ءبىراۋىزدى شەشىمىمەن ناميبيالىق ۆالتەر كۋتوندوكۆانى (18-2، 17 كو) جەڭىپ، ورتا سالماقتا WBO International تيتۋلىن قورعادى.