9 قىركۇيەكتەن بەرى حقب-كە قانشا جوبا ۇسىنىلدى
«حالىق قاتىساتىن بيۋدجەت» قالالىق باعدارلاماسىنا وتىنىمدەردى قابىلداۋ 9 قىركۇيەكتە باستالدى. ءبىر اپتا ىشىندە budget.open-almaty.kz سايتىنا تۇرعىنداردان 248 ءوتىنىش كەلىپ تۇسكەن. 2023 جىلدىڭ سايكەس كەزەڭىندە 151 ۇسىنىس تۇسكەن، دەپ حابارلايدى aqshamnews.kz
ەڭ كوپ ءوتىنىم الماتى قالاسىنىڭ ناۋرىزباي اۋدانىندا بەرىلگەن – 159 جوبا. ەكىنشى ورىندا تۇركسىب اۋدانى – 26 ۇسىنىس.
كوبىنەسە قالا تۇرعىندارى بالالار جانە سپورت الاڭدارىن ورناتۋ جانە اعىمدىق جوندەۋ، اۋلالاردى جاسىلداندىرۋ، سونداي-اق قوعامدىق اۋماقتاردى جارىقتاندىرۋ جوبالارىن ۇسىنادى.
2025 جىلى « حالىق قاتىساتىن بيۋدجەت» باعدارلاماسى بويىنشا يدەيالاردى ىسكە اسىرۋ ءۇشىن اعىمداعى جىلدىڭ 25 قىركۇيەگىنە دەيىن budget.open-almaty.kz پورتالىنا ءوتىنىم بەرۋ قاجەت. بارلىق كامەلەتكە تولعان تۇرعىندار بيۋدجەت قاراجاتى ەسەبىنەن قالانىڭ اۋلالارىن، كوشەلەرى مەن اۋماقتارىن اباتتاندىرۋ بويىنشا ۇسىنىستار جاساي الادى.
بايقاۋ 8 كەزەڭنەن تۇرادى: وتىنىمدەردى قابىلداۋ، ساراپتامالىق باعالاۋ، اۆتورلاردىڭ جوبالاردى پىسىقتاۋى، پىسىقتالعان ۇسىنىستاردى قاراۋ، داۋىس بەرۋ، داۋىس بەرۋ قورىتىندىلارىن شىعارۋ، بيۋدجەتتىك وتىنىمدەردى قالىپتاستىرۋ، جوبالاردى ىسكە اسىرۋ.
وتىنىشتەردە جوبانىڭ اتاۋى مەن سيپاتتاماسى، ورنالاسقان جەرىنىڭ مەكەن-جايى، بولجالدى فوتوسۋرەتتەر، سىزبا نەمەسە ەسكيز، جوبالىق ۇسىنىستىڭ سمەتاسى بولۋى كەرەك. ءبىر ءوتىنىش 92،3 ملن تەڭگەدەن (25 مىڭ اەك) اسپاۋى كەرەك.
جوبالار كەلەسى ساناتتار بويىنشا قابىلدانادى: جاسىلداندىرۋ، تروتۋارلاردى جايلاستىرۋ، تروتۋارلاردى، پاندۋستاردى، سۋارۋ ارىقتارىن سالۋ جانە جوندەۋ، قوعامدىق اۋماقتاردى قۇرۋ، جوندەۋ جانە جارىقتاندىرۋ، بورديۋرلەردى، برۋسچاتكالاردى، تىرەك قابىرعالاردى جوندەۋ، قوقىس الاڭدارىن جويۋ، قوعامدىق ورىنداردا بەسەدكالاردى، ورىندىقتاردى، قوقىس جاشىكتەرىن، بالالار ويىندارى مەن ەرەسەكتەردىڭ دەمالۋىنا ارنالعان قۇرال-جابدىقتاردى جوندەۋ، اۋلا اۋماقتارىندا جانە قوعامدىق ورىنداردا سپورت الاڭدارىن، بالالار ويىن الاڭدارىن ورناتۋ، جوندەۋ جانە جارىقتاندىرۋ، سانيتارلىق ءتارتىپتى قامتاماسىز ەتۋ.
ەرەجەلەر تۋرالى تولىعىراق budget.open-almaty.kz ينتەرنەت-پورتالىنان وقىڭىز.