الماتىدا «حالىق قاتىساتىن بيۋدجەت» جوباسىنا ءوتىنىم قابىلداۋ اياقتالدى. ناۋقان 1 قىركۇيەكتەن 30 قىركۇيەككە دەيىن ءوتتى. وسى ۋاقىت ىشىندە قالا تۇرعىندارى 4 632 باستاما ۇسىندى، دەپ حابارلايدى Aqshamnews.kz ءتىلشىسى.
الماتىلىقتار اۋماقتى كوگالداندىرۋ، اۋلا مەن قوعامدىق كەڭىستىكتەردى اباتتاندىرۋ، تروتۋار مەن ارىقتى جوندەۋ، بالالار جانە سپورت الاڭدارىن ورناتۋ بويىنشا جوبا ۇسىندى. سونداي-اق، قالانى تازا ءارى جايلى ەتۋگە باعىتتالعان يدەيالار دا بار.
وتىنىمدەر ونلاين فورماتتا budget.open-almaty.kz پلاتفورماسىندا قابىلداندى.
قاتىسۋ شارتتارى:
• ءبىر ادام - ءبىر ءوتىنىم - ءبىر نىسان؛
• نىسان جالپىعا ورتاق بولۋى جانە ءوتىنىم بەرۋشىنىڭ اۋدانىندا ورنالاسۋى ءتيىس؛
• جوبادا ەڭ كوپ بيۋدجەت - 294،9 ملن تەڭگە.
كەلەسى كەزەڭدەر:
• 1-12 قازان: اۋدان اكىمدىكتەرى جانىنداعى ساراپشىلار جوبالاردى تەكسەرەدى؛
• 19 قازانعا دەيىن: اۆتورلار يدەياسىن پىسىقتاي الادى؛
• 20-26 قازان: جاڭارتىلعان وتىنىمدەر قارالادى؛
• 27 قازان - 9 قاراشا: تۇرعىنداردىڭ داۋىس بەرۋى؛
• 10-16 قاراشا: قورىتىندى شىعارۋ؛
• 17-18 قاراشا: بيۋدجەت وتىنىمدەرىن قالىپتاستىرۋ؛
• 2026 جىل: جەڭىمپاز جوبالاردى جۇزەگە اسىرۋ.
«الماتى دامۋ ورتالىعى» اق باسپا ءسوز قىزمەتى ءاربىر كەزەڭدى تۇرعىندارعا حابارلاپ وتىرادى.