الماتى اكىمى «حالىق قاتىساتىن بيۋدجەت» باعدارلاماسىنداعى وزگەرىستەرگە توقتالىپ ءوتتى.
بۇل تۋرالى قالا باسشىسى جەتىسۋ اۋدانى تۇرعىندارىمەن وتكەن كەزدەسۋدە ايتتى، دەپ حابارلايدى Almaty-akshamy.kz.
«بۇل جوبا سىزدەردىڭ وڭ پىكىرلەرىڭىزدى الدى. سوندىقتان مەن بيىل قوسىمشا 7 ملرد تەڭگە ءبولۋ تۋرالى شەشىم قابىلدادىم. سونىڭ ىشىندە جەتىسۋ اۋدانىنا 875 ملن تەڭگە بولىنەدى. بۇل قاراجات سىزدەر باستاما كوتەرىپ وتىرعان جوبالاردى كوپتەپ ىسكە اسىرۋعا مۇمكىندىك بەرەدى»، - دەدى الماتى اكىمى ەربولات دوسايەۆ.
ناۋرىز ايىندا باعدارلاما اياسىندا العاشقى وتىنىمدەر قابىلداندى. اۋدان تۇرعىندارىنان 120 ءوتىنىم ءتۇستى. داۋىس بەرۋ قورىتىندىسى بويىنشا سىزدەر 3 226 داۋىس بەرگەن 18 جوبا ورىندالاتىن بولادى. ونىڭ ىشىندە – قوقىس كونتەينەرلەرىن قازىپ ورناتۋ (قۇلاگەر، كوكجيەك، كوكمايسا شاعىناۋداندارى جانە ت.ب.)؛ سكۆەرلەر مەن پاركتەردى اباتتاندىرۋ (كەمەل شاعىناۋدانى، رىسقۇلوۆ داڭعىلى – گاستەللو كوشەسى)؛ يتتەردى سەرۋەندەتۋگە ارنالعان الاڭ سالۋ (اينابۇلاق-3 شاعىناۋدانى) جانە باسقا دا جوبالار بار. بۇل جوبالار بيىل ىسكە اسىرىلادى.