6،8 مىڭ وقۋشى «التىن بەلگىگە» ۇمىتكەر
قازاقستاندا 172 مىڭ تۇلەك مەكتەپ بىتىرەدى، ونىڭ ىشىندە 6،8 مىڭ وقۋشى «التىن بەلگىگە» ۇمىتكەر، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى ق ر وقۋ-اعارتۋ ءمينيسترى عاني بەيسەمبايەۆ ۇكىمەت وتىرىسىندا ايتتى.
«بيىل قازاقستان مەكتەپتەرىندە 3،7 ملن استام وقۋشى وقۋ جىلىن اياقتايدى. 11-سىنىپتى – 172 مىڭ تۇلەك بىتىرەدى، ونىڭ ىشىندە 6،8 مىڭ تۇلەك «التىن بەلگىگە» ۇمىتكەر»، - دەدى مينيستر ۇكىمەت وتىرىسىندا.
وقۋ جىلىنىڭ اياقتالۋى بويىنشا سالتاناتتى شارانى 1 ماۋسىمدا – بالالاردى قورعاۋ كۇنىن مەرەكەلەۋ شەڭبەرىندە وتكىزۋ جوسپارلانعان.
اتتەستاتتاردى سالتاناتتى تابىستاۋ بيىل 20-22 ماۋسىم ارالىعىندا وتەدى.
سونداي-اق، قورىتىندى ەمتيحاندار 9-سىنىپتاردا 4 پاننەن 2-13 ماۋسىم ارالىعىندا، ال 11-سىنىپ تۇلەكتەرى ءۇشىن 5 پاننەن ەمتيحان 5-19 ماۋسىم ارالىعىندا وتەدى.
بۇعان دەيىن عاني بەيسەمبايەۆ وقۋ جىلىنىڭ نەلىكتەن ۇزارتىلعانىن تۇسىندىرگەن ەدى.