2022 جىلى قالا تۇرعىندارى ءۇشىن قالالىق ورتانىڭ جايلىلىعىن جاقسارتۋ ماقساتىندا الاتاۋ اۋدانىندا 36 قوعامدىق كەڭىستىك سالىنىپ، 53 اۋلاعا كۇردەلى جوندەۋ جۇرگىزىلدى، سونداي-اق 63 ءۇيدىڭ فاسادتارى جاڭارتىلدى.
بيىل بۇل باعىتتاعى جۇمىستار جالعاسىن تاپپاق. بۇل تۋرالى الماتى اكىمى ە.دوسايەۆ الاتاۋ اۋدانى تۇرعىندارىمەن وتكەن كەزدەسۋدە ايتتى، دەپ حابارلايدى Almaty-akshamy.kz.
«حالىق قاتىساتىن بيۋدجەت» باعدارلاماسى بويىنشا 37 جوبانى ىسكە اسىرۋ جوسپارلانعان. بالالار الاڭدارى مەن ۆوركاۋت ايماقتارى، فۋتبول الاڭدارى، باسكەتبول جانە ۆولەيبول الاڭدارى، جاياۋ جۇرگىنشىلەر ايماقتارى، ساياباقتار، ت.ب. سالىنادى.
اۋلا ىشىندەگى اۋماقتاردىڭ جاعدايىن جاقسارتۋ ءۇشىن شۇڭقىر ۇلگىسىندەگى 45 كونتەينەرلىك الاڭ ورناتىلىپ، 23 اۋلاعا اعىمداعى جوندەۋ جۇرگىزىلەدى، سونداي-اق سايالى جانە اقبۇلاق شاعىن اۋداندارىنداعى قالعان 63 ءۇيدىڭ فاسادتارىن جاڭارتۋ اياقتالادى.
بۇدان باسقا 2023 جىلدىڭ سوڭىنا دەيىن اۋداننىڭ بارلىق 19 جەرۇستى جاياۋ جۇرگىنشىلەر وتكەلىنە كۇردەلى جوندەۋ جۇرگىزىلىپ، ليفتىلەر مەن پاندۋستاردىڭ جۇمىسى رەتكە كەلتىرىلەدى.
وسى جىلدىڭ سوڭىنا دەيىن "زەردەلى" شاعىناۋدانىنداعى 32 ءۇيدىڭ قالعان 7ء-ۋىن نىعايتۋ جانە تۇزەتۋ جۇمىستارى اياقتالادى (1/139، 1/141، 1/142، 1/144، 1/170، 1/177، 1/178). قازىرگى ۋاقىتتا قۇرىلىسى اياقتالماعان ەكى ءۇيدى بۇزۋ جۇمىستارى ءجۇرىپ جاتىر، ونى وسى جىلدىڭ اقپان ايىندا اياقتاۋ جوسپارلانعان. وسى جەرگە سكۆەر سالىناتىن بولادى.
سونداي-اق، كوكتەمدە ءۇش ءىرى رەكرەاسيالىق ايماق – "وجەت" شاعىناۋدانىنداعى توعاندى، بورالداي وزەنىنىڭ بويىن، "زەردەلى" شاعىناۋدانىنداعى جاسىل ايماقتى اباتتاندىرۋ جۇمىستارى باستالادى. جۇمىستاردى 2023 جىلدىڭ جەلتوقسان ايىندا اياقتاۋ جوسپارلانعان.
اۋداندا جاڭبىر جاۋعان كەزدە ۇنەمى سۋ باساتىن جەرلەردىڭ (18 ۋچاسكە) ماسەلەسى قارقىندى شەشىلىپ جاتىر.
توتەنشە جاعداي جەلىسى بويىنشا وسى ماسەلەنى جەدەل شەشۋ ءۇشىن وتكەن جىلى كوللەكتورلاردى، بۇرۋ كانالدارىن قالپىنا كەلتىرۋ جانە ارىق جەلىسىن سالۋ جۇمىستارى باستالدى.
بۇگىندە 7 ۋچاسكەدە جۇمىستار اياقتالدى. ءۇش كوللەكتور قالپىنا كەلتىرىلدى جانە ۇزىندىعى 955 م ارىق جەلىسىنىڭ قۇرىلىسى اياقتالدى (قاراكەمەر كوشەسى، مۇقايەۆ كوشەسى، تادجيكسكايا كوشەسى، رايىمبەك داڭعىلى، مومىش ۇلى كوشەسىنىڭ قيىلىسى - اۋىسۋ).
قالعان 11 ۋچاسكەنى جويۋ جۇمىستارىن وسى جىلدىڭ سوڭىنا دەيىن اياقتاۋ جوسپارلانعان.
2 كوللەكتور (4،9 كم)، 1 بۇرۋ كانالى (3،6 كم) قالپىنا كەلتىرىلەدى، سونداي-اق ارىق جەلىسىنىڭ 8 ۋچاسكەسىنىڭ (5،9 كم) قۇرىلىسى قامتاماسىز ەتىلەدى.
انىقتاما ءۇشىن: ارىق جەلىسىنىڭ ۋچاسكەلەرى: رايىمبەك داڭعىلى، مومىش ۇلى، ءالىمقۇلوۆ، ماگادانسكايا، مۇقايەۆ، ءشارىپوۆ، بەيسەكبايەۆ، تادجيكسكايا كوشەلەرى.