جۇمىستىڭ باسىم باعىتتارىنىڭ ءبىرى قوعامدىق قاۋىپسىزدىكتى قامتاماسىز ەتۋ بولىپ تابىلادى.
بۇگىنگى تاڭدا الاتاۋ اۋدانىندا 700 كوپ قاباتتى ءۇي ورنالاسقان، ونداعى 1237 پودەزدگە 3071 بەينەباقىلاۋ كامەراسى ورناتىلعان، دەپ حابارلايدى Almaty-akshamy.kz.
«بمج-3050» جوباسىنىڭ اياسىندا وتكەن جىلى قوزعالىسى ەداۋىر جوعارى كوشەلەردە، ازاماتتار كوپ جينالاتىن ورىنداردا 327 «بەينەمونيتورينگ جۇيەسىن» ورناتۋ اياقتالدى.
بيىل الماتى قالاسى بويىنشا بەينەمونيتورينگ جۇيەسى كامەرالارىنىڭ جالپى سانى 6000-عا دەيىن كوبەيتىلەدى، ونىڭ ىشىندە شامامەن 300 بەينەمونيتورينگ جۇيەسى الاتاۋ اۋدانىندا ورنالاساتىن بولادى.
كوشە جارىعىمەن تولىققاندى قامتۋ ءۇشىن وتكەن جىلى الاتاۋ اۋدانىنىڭ جارىق جارتىلاي ورناتىلعان 513 كوشەسى مەن 31 جارىق جوق اۋلالارى بويىنشا جوبالاۋ-سمەتالىق قۇجاتتاما ازىرلەندى. ونىڭ ىشىندە 2022 جىلى 135 كوشەدە سىرتقى جارىق ورناتۋ جۇمىستارى باستالدى، ولار اقپان ايىنىڭ اياعىنا دەيىن اياقتالادى.