بۇل - 800 ملن تەڭگەگە باعالانعان جوبالار.
ۇستىمىزدەگى جىلى بوستاندىق اۋدانىندا «حالىق قاتىساتىن بيۋدجەت» باعدارلاماسى اياسىندا بوستاندىق اۋدانىندا 21 جوبا ىسكە اسىرىلۋدا. بۇل تۋرالى الماتى اكىمى ەربولات دوسايەۆ اۋدان حالقىمەن كەزدەسۋ بارىسىندا ايتتى، دەپ حابارلايدى Almaty-akshamy.kz.
«2022 جىلى بوستاندىق اۋدانىندا 80 اۋلا اۋماعىنا كۇردەلى جوندەۋ جۇرگىزۋ جوسپارلانعان بولاتىن. الايدا، كونكۋرس پروسەدۋرالارىنىڭ ۇزاق جۇرۋىنە جانە شاعىمدارعا بايلانىستى شارتتار تەك وسى جىلدىڭ قىركۇيەك ايىندا جاسالدى. وسىلايشا بۇگىنگى كۇنى 40 اۋلا جوندەۋمەن قامتىلدى، ولار وسى جىلدىڭ سوڭىنا دەيىن اياقتالادى. قالعان 40 اۋلانى 2023 جىلدىڭ II-III توقسانىندا اباتتاندىرۋعا ءماجبۇرمىز (2021 جىلى 100 اۋلا جوندەلدى). بيىل «حالىق قاتىساتىن بيۋدجەت» باعدارلاماسى بويىنشا اۋداندا 800 ملن. تەڭگەنىڭ 21 جوباسى ىسكە اسىرىلۋدا. بۇگىنگى كۇنى 11 وبەكت بويىنشا جۇمىستار اياقتالدى»، - دەدى ەربولات دوسايەۆ.
اكىمنىڭ ايتۋىنشا، بۇل باعدارلاما بويىنشا اۋدان تۇرعىندارى 2023 جىلعا قوعامدىق كەڭىستىكتى اباتتاندىرۋ جانە كوگالداندىرۋ، بالالار مەن سپورت الاڭدارىن جوندەۋ مەن ورناتۋ جانە باسقالار تۋرالى 165 ءوتىنىم بەردى. داۋىس بەرۋ قورىتىندىسى بويىنشا، الدىن الا 17 جوبا تاڭداپ الىندى (9 - سپورت جانە بالالار الاڭى، 7 - قوعامدىق كەڭىستىك جانە 1 – سكۆەر).