الماتى اكىمى ەربولات دوسايەۆتىڭ حالىقپەن كەزەكتى كەزدەسۋى بوستاندىق اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 350-دەن استام ادام كەلدى، دەپ حابارلايدى اlmaty-akshamy.kz.
اۋداندا كوممۋنالدىق ينفراقۇرىلىمدى جاڭعىرتۋ وزەكتى ماسەلە بولىپ قالا بەرەدى. اعىمداعى جىلدىڭ قىركۇيەك ايىندا «وربيتا-4» شاعىناۋدانىنداعى ەرعوجين، گاندي كوشەلەرىندە ۇزىندىعى 1،6 كم جىلۋ جەلىلەرىن قايتا جاڭارتۋ جۇمىستارى اياقتالدى. جوبا 546 كوپ پاتەرلى تۇرعىن ۇيگە، 20 ءبىلىم بەرۋ مەكەمەسىنە جانە 12 دەنساۋلىق ساقتاۋ مەكەمەسىنە جىلۋ بەرۋدى قامتاماسىز ەتۋگە مۇمكىندىك بەردى. جەلتوقسان ايىنىڭ سوڭىنا دەيىن اۋداندا ۇزىندىعى 22،5 كم 751 جارىق باعاناسى ورناتىلىپ، ۇزىندىعى 22،5 كم جەلى تارتىلىپ، 83 كوشەنى جارىقتاندىرۋ قۇرىلىسى اياقتالادى.
وقۋشى ورىندارىنىڭ تاپشىلىعى ماسەلەسىن شەشۋ ءۇشىن 1 قىركۇيەككە قاراي 875 ورىندىق ءۇش مەكتەپتەر (№146، 191، 125) جانىنداعى قوسالقى نىساندار قۇرىلىسى اياقتالدى. 3 وقۋ ورنىندا سەيسميكالىق كۇشەيتۋمەن كۇردەلى جوندەۋ جۇرگىزىلدى (№81، 40، 45). 30 قاراشاعا دەيىن №9 ارنايى تۇزەتۋ مەكتەپ-ينتەرناتىنىڭ جانىنداعى 120 ورىندىق قوسىمشا قۇرىلىس جانە «وربيتا-3» شاعىناۋدانىندا №145 سەيسميكالىق كۇشەيتۋ اياقتالادى. 2023 جىلى جاندوسوۆ كوشەسى بويىنداعى 1100 ورىندىق مەكتەپتى ءبىتىرىپ، 2024 جىلدىڭ ءتورتىنشى توقسانىنا قاراي «جايلى مەكتەپ» ۇلتتىق جوباسىن ىسكە اسىرۋ اياسىندا ەگىزبايەۆ كوشەسى بويىنشا 2000 ورىندى وقۋ ورنىن سالۋ جوسپارلانۋدا.
مەكتەپكە دەيىنگى ۇيىمداردا ورىن تاپشىلىعىن قىسقارتۋ ماقساتىندا جىل باسىنان بەرى اۋداندا 854 ورىندىق 15 جەكە بالاباقشا اشىلدى. جىل سوڭىنا دەيىن ءارقايسىسى 150 ورىندىق تاعى 2 بالاباقشا اشىلادى. بۇرىنعى №1 بالالار ءۇيىنىڭ قولدانىستاعى عيماراتىن 480 ورىندىق بالاباقشاعا قايتا جاڭارتۋ جوسپارلانۋدا. قازىرگى ۋاقىتتا جسق ازىرلەنۋدە. قۇرىلىس-مونتاج جۇمىستارىنىڭ باستالۋى 2023 جىلدىڭ ساۋىرىنە جوسپارلانعان. سونداي-اق، كەلەسى ەكى جىل ىشىندە 540 ورىندىق 3 مەكتەپكە دەيىنگى ۇيىم سالۋ كوزدەلگەن.
مەديسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن 2023 جىلدىڭ ءبىرىنشى توقسانىندا ساياباق ايماعىمەن 500 كەلۋشىگە ارنالعان ەمحانانىڭ جسق ازىرلەۋ باستالادى. قۇرىلىس-مونتاج جۇمىستارىنىڭ باستالۋى 2023 جىلدىڭ ءتورتىنشى توقسانىنا جوسپارلانعان. كەلەسى جىلدىڭ ءبىرىنشى توقسانىندا «كەرۋەن مەديكۋس» جەكە كلينيكاسىنىڭ پەرزەنتحاناسىنىڭ جاڭا عيماراتىنىڭ جانە «بالالاردىڭ شۇعىل مەديسينالىق كومەك ورتالىعىنىڭ» وپەراسيالىق بلوگى بار قابىلداۋ بولىمشەسى عيماراتىنىڭ قۇرىلىسى اياقتالادى.
قالا اكىمى ەربولات دوسايەۆتىڭ ايتۋىنشا، اۋدانداعى جولداردىڭ پايدالانۋ سيپاتتامالارىن جاقسارتۋ ءۇشىن جالپى ۇزىندىعى 15،2 كم بولاتىن 85 كوشەگە اعىمداعى جوندەۋ جۇمىستارى جۇرگىزىلگەن.
اۋداندا نوسەر جاۋىن-شاشىن كەزىندە سۋ باسۋ ماسەلەسى وزەكتى بولىپ قالا بەرەدى. تج جەلىسى بويىنشا 5 ۋچاسكەنى جويۋ جۇمىستارى جۇرگىزىلۋدە. 2 ارىق وتكەلىن (جاروكوۆ كوشەسى مەن ساتبايەۆ كوشەسىنىڭ جانە بايتۇرسىنوۆ كوشەلەرىنىڭ قيىلىسى) قايتا جاڭارتۋ جۇمىستارى اياقتالدى. قالعان 3 ۋچاسكەنى جويۋ جۇمىستارىن جىل سوڭىنا دەيىن اياقتاۋ جوسپارلانۋدا.
سونداي-اق، قالا اكىمى ەربولات دوسايەۆ «حالىق قاتىساتىن بيۋدجەت» باعدارلاماسىنىڭ ىسكە اسىرىلۋ بارىسى تۋرالى حاباردار ەتتى. بيىل اۋداندا 21 جوبا جۇزەگە اسىرىلۋدا. بۇگىنگى تاڭدا 11 نىسان بويىنشا جۇمىستار اياقتالدى (3 - بالالار جانە سپورت الاڭدارى، 1-سۋارۋ جۇيەسى جانە 7 - قوعامدىق كەڭىستىك). قالعان 10 جوبا (8 - قوعامدىق كەڭىستىك، 1-سۋارۋ جۇيەسى، 1 - جاياۋ جۇرگىنشىلەر ايماعى) اعىمداعى جىلدىڭ 30 قاراشاسىنا دەيىن ورىندالادى.
الماتى اكىمىمەن كەزدەسۋ بارىسىندا تۇرعىندار جولداردى جوندەۋ، كارىز جانە ەلەكتر جەلىلەرىن اباتتاندىرۋ جانە ت. ب. ماسەلەلەردى كوتەردى.
مەملەكەت باسشىسى قاسىم-جومارت توقايەۆتىڭ جارلىعىمەن بەكىتىلگەن حالىقپەن كەزدەسۋدىڭ جاڭا فورماتىنا سايكەس، جىل سوڭىنا دەيىن ەربولات دوسايەۆ حالىقپەن 24 كەزدەسۋ وتكىزەدى – 8 اۋداننىڭ ءارقايسىسىنىڭ تۇرعىندارىمەن توقسانىنا ءبىر كەزدەسۋ.