ىرىكتەلىپ العان 19 جوبانىڭ 18ء-ى اياقتالدى.
الماتى اكىمى ەربولات دوسايەۆ مەدەۋ اۋدانىنىڭ تۇرعىندارىمەن كەزدەسۋ بارىسىندا «حالىق قاتىساتىن بيۋدجەت» باعدارلاماسى اياسىندا 2022 جىلى قانشا جوبا ىرىكتەلىپ الىنعانى جانە وعان قانشا قاراجات جۇمسالعانى جايىندا ايتتى، دەپ حابارلايدى Almaty-akshamy.kz.
««حالىق قاتىساتىن بيۋدجەت» باعدارلاماسى اياسىندا 2022 جىلى 800 ملن تەڭگەگە 19 جوبا ىرىكتەلىپ الىندى. ونىڭ 18ء-ى اياقتالدى، ءبىر جوبا بويىنشا جۇمىس ءجۇرىپ جاتىر. بۇل - تىكساي وزەنىنىڭ جاعالاۋىن اباتتاندىرۋ. جۇمىستاردى وسى جىلدىڭ قازان ايىندا اياقتاۋدى جوسپارلاپ وتىرمىز»،- دەدى قالا اكىمى.
سونىمەن قاتار، اكىمنىڭ ايتۋىنشا، اعىمداعى جوندەۋ جۇمىستارى اياسىندا جالپى سوماسى 493 ملن تەڭگەنى قۇرايتىن 23 جوبا بويىنشا جۇمىستار جۇرگىزىلىپ جاتىر. ونىڭ ىشىندە – كىشى الماتى وزەنىنىڭ جاعالاۋىن اباتتاندىرۋ جانە 20 اۋلانى جوندەۋ جوباسى بار. بۇل جۇمىستار بيىلعى جىلدىڭ قازان ايىنىڭ سوڭىنا دەيىن اياقتالادى.
«حالىق قاتىساتىن بيۋدجەت» باعدارلاماسى شەڭبەرىندە كەلىپ تۇسكەن 128 ءوتىنىم بويىنشا داۋىس بەرۋ اياقتالدى، ونىڭ ىشىنەن بۇگىنگى كۇنى كوميسسيا الدىن الا ىرىكتەپ الدى. «حالىقتىق قاتىساتىن بيۋدجەت» باعدارلاماسى شەڭبەرىندە كەلىپ تۇسكەن 128 ءوتىنىم بويىنشا داۋىس بەرۋ اياقتالدى، ونىڭ ىشىنەن بۇگىنگى كۇنى كوميسسيا الدىن الا 2023 جىلى 800 ملن تەڭگەگە جۇزەگە اسىرىلاتىن 30 جوبانى ىرىكتەپ الدى»،- دەدى ەربولات دوسايەۆ.