ورىن تاپشىلىعىن تومەندەتۋ ماقساتىندا قازىرگى ۋاقىتتا جۇمىستار قولعا الىنعان.
الماتى اكىمى ەربولات دوساەتىڭ مەدەۋ اۋدانى تۇرعىندارىمەن وتكەن كەزدەسۋىندە ءبىلىم بەرۋ نىساندارىنداعى ورىن جەتىسپەۋشىلىگى ماسەلەسى ءسوز بولدى، دەپ حابارلايدى Almaty-akshamy.kz.
قالا باسشىسىنىڭ ايتۋىنشا، №48 مەكتەپ-ليسەيىندە كۇردەلى جوندەۋ جۇرگىزىلۋدە، ول اياقتالعاننان كەيىن 210 جاڭا وقۋشى ورنى اشىلادى. جۇمىستار اعىمداعى جىلدىڭ 30 قاراشاسىنا دەيىن اياقتالادى.
«№131 مەكتەپ-ليسەيىنىڭ اۋماعىندا سەيسميكالىق كۇشەيتۋمەن قوسا كۇردەلى جوندەۋ جۇرگىزىلۋدە. بۇل جۇمىستاردى 2023 جىلدىڭ III توقسانىندا اياقتاۋدى جوسپارلاپ وتىرمىز. بۇدان باسقا، №131، №35 جانە №99 مەكتەپتەر بويىنشا 2023 جىلدىڭ II توقسانىندا 800 جاڭا ورىنعا ارنالعان ءۇش قوسىمشا قۇرىلىس سالۋعا جوبالاۋ-سمەتالىق قۇجاتتامانى (جسق) ازىرلەۋ اياقتالادى. وقۋشى ورىندارىنىڭ جەتىسپەۋشىلىگى ماسەلەسى "دۋمان" ىقشاماۋدانىندا دا شەشىلەتىن بولادى، وندا 1200 ورىندىق جاڭا مەكتەپ سالىنادى. قۇرىلىس جۇمىستارىن باستاۋ 2023 جىلدىڭ ءىى توقسانىنا جوسپارلانعان»، - دەيدى قالا اكىمى ەربولات دوسايەۆ.
مەكتەپكە دەيىنگى ءبىلىم بەرۋ مەكەمەلەرىندە ورىن تاپشىلىعىن تومەندەتۋ ءۇشىن بيىلعى جىلى №114، №116 جانە №141 مەملەكەتتىك بالاباقشالاردا كۇردەلى جوندەۋ جۇمىستارى اياقتالىپ، وندا جاڭا 135 ورىن اشىلدى.
سونىمەن قاتار، بيىل 400 ورىندىق 2 جەكەمەنشىك بالاباقشا كوممۋنالدىق مەنشىككە قايتارىلدى. ولاردىڭ ءبىرى - "ايگەرىم" بالاباقشاسى (280 ورىن) مەملەكەتتىك باعدارلاما اياسىندا ءوز جۇمىسىن باستادى. ەكىنشى «اقمارال» بالاباقشاسى (120 ورىن) بيىلعى جىلدىڭ سوڭىنا دەيىن اشىلادى.
بۇدان باسقا، بيىل قوسىمشا 457 ورىندى قۇرايتىن 10 جاڭا جەكەمەنشىك بالاباقشا اشىلدى. سونداي-اق جىل سوڭىنا دەيىن 250 ورىندىق تاعى ءبىر جەكەمەنشىك بالاباقشا اشۋ جوسپارلانىپ وتىر.