كەزدەسۋگە 550-دەن استام ادام كەلدى.
الماتى اكىمى ەربولات دوسايەۆتىڭ حالىقپەن كەزەكتى كەزدەسۋى مەدەۋ اۋدانىندا ءوتتى، دەپ حابارلايدى Almaty-akshamy.kz
قالا باسشىسى اۋداننىڭ دامۋى جانە تۇرعىنداردان كەلىپ تۇسكەن ۇسىنىستار بويىنشا اتقارىلعان جۇمىستار تۋرالى ايتتى. اۋداندا كوممۋنالدىق ينفراقۇرىلىمدى جاڭعىرتۋ وزەكتى ماسەلە بولىپ قالا بەرەدى. «دۋمان» شاعىناۋدانىندا سورعى ستانسياسى مەن 1800 تەكشە مەترلى ەكى رەزەرۆۋار قايتا جاڭارتىلۋدا. جۇمىستاردى اعىمداعى جىلدىڭ سوڭىنا دەيىن اياقتاۋ جوسپارلانعان. سونداي-اق، جەلتوقسانعا دەيىن «يۋبيلەينىي» شاعىناۋدانىندا جانە گورنايا، باتۋرين، بەگالين كوشەلەرىندە ۇزىندىعى 2،6 كم كارىز جەلىلەرىن تاپسىرۋ جوسپاردا بار. 2023 جىلدىڭ ءبىرىنشى جانە ەكىنشى توقسانىنا ارنالعان جوسپاردا «كەنساي»، «كامەنسكوە پلاتو»، «مۇزتاۋ» جانە «كولساي» شاعىناۋداندارىندا سۋمەن جابدىقتاۋ جانە سۋ بۇرۋ جەلىلەرىن سالۋ قاراستىرىلعان.
تۇرعىنداردى ۇزدىكسىز ەلەكتر قۋاتىمەن قامتاماسىز ەتۋ ءۇشىن اۋداندا 16،8 كم جەلى قايتا جاڭارتىلدى. جىل سوڭىنا دەيىن 17 كم ەلەكتر بەرۋ جەلىلەرىن جاڭعىرتۋدى اياقتاۋ جانە 18 كوشەگە سىرتقى جارىقتاندىرۋدى جۇرگىزۋ جوسپارلانۋدا. 2023 جىلدىڭ سوڭىنا دەيىن اۋداندا تاعى 37 كوشەدە جارىقتاندىرۋ ماسەلەلەرى شەشىلەدى.
قالا اكىمى ەربولات دوسايەۆتىڭ ايتۋىنشا، اۋدانداعى جولداردىڭ پايدالانۋ سيپاتتامالارىن جاقسارتۋ ءۇشىن جالپى ۇزىندىعى 21،4 كم بولاتىن 29 كوشەگە ورتاشا جوندەۋ جۇمىستارى جۇرگىزىلۋدە.
وقۋشى ورىندارىنىڭ تاپشىلىعى ماسەلەسىن شەشۋ ءۇشىن اۋداندا №48 جانە №131 مەكتەپ-ليسەيىنە كۇردەلى جوندەۋ جۇرگىزىلۋدە. ءبىرىنشى مەكتەپ بويىنشا جۇمىستاردى اعىمداعى جىلدىڭ 30 قاراشاسىنا دەيىن، ەكىنشى نىساندى 2023 جىلدىڭ 3-توقسانىندا اياقتاۋ جوسپارلانعان. بۇدان باسقا، №131، №35 جانە №99 مەكتەپتەر بويىنشا 2023 جىلدىڭ 2-توقسانىندا 800 جاڭا ورىنعا 3 قوسالقى نىسان سالۋعا جسق ازىرلەۋ اياقتالادى. «دۋمان» شاعىناۋدانىندا 1 200 ورىندى جاڭا مەكتەپ سالىنادى. قۇرىلىستىڭ باستالۋى كەلەسى جىلدىڭ 2-توقسانىنا جوسپارلانعان.
مەكتەپكە دەيىنگى ۇيىمدارداعى تاپشىلىقتى قىسقارتۋ ماقساتىندا اعىمداعى جىلى جاڭا 135 ورىن اشۋ ءۇشىن №114، №116 جانە №141 مەملەكەتتىك بالاباقشالاردا كۇردەلى جوندەۋ جۇمىستارى اياقتالدى. بيىلعى جىلى اۋداندا قوسىمشا 457 ورىندىق 10 جاڭا جەكە مەنشىك بالاباقشا اشىلدى، سونداي-اق جىل سوڭىنا دەيىن 250 ورىندىق تاعى ءبىر جەكە مەنشىك بالاباقشا اشۋ جوسپارلانعان.
«كەڭساي» شاعىناۋدانىندا مەديسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن اۋىسىمىنا 120 كەلۋشىگە ارنالعان جاڭا وتباسىلىق-دارىگەرلىك امبۋلاتوريا سالىنۋدا. اتالعان نىسان اعىمداعى جىلدىڭ سوڭىنا دەيىن پايدالانۋعا بەرىلەدى. "دۋمان" شاعىناۋدانىندا اۋىسىمىنا 500 كەلۋشىگە ارنالعان جاڭا ەمحانا سالىنادى. قۇرىلىس-مونتاج جۇمىستارىنىڭ باستالۋى 2023 جىلدىڭ 3 توقسانىنا جوسپارلانعان.
مەدەۋ اۋدانىنىڭ تۇرعىندارىن سپورت نىساندارىمەن قامتاماسىز ەتۋ جۇمىستارى جالعاسۋدا. جىل سوڭىنا دەيىن «الاتاۋ» شاعىناۋدانىندا جوبالىق قۋاتى 150 ادامعا ارنالعان دەنە شىنىقتىرۋ-ساۋىقتىرۋ كەشەنى اشىلادى.
سونداي-اق، قالا اكىمى ەربولات دوسايەۆ «حالىق قاتىساتىن بيۋدجەت» باعدارلاماسىنىڭ ىسكە اسىرىلۋ بارىسى تۋرالى حاباردار ەتتى. 2022 جىلى 800 ملن تەڭگەگە 19 جوبا ىرىكتەلدى. ونىڭ 18ء-ى اياقتالدى، 1 جوبا بويىنشا جۇمىستانۋدا. بۇل جوبا - تىكساي وزەنىنىڭ جاعالاۋىن اباتتاندىرۋ، ونى پايدالانۋعا بەرۋ اعىمداعى جىلدىڭ قازان ايىنا جوسپارلانعان.
الماتى اكىمىمەن كەزدەسۋ بارىسىندا تۇرعىندار جولداردى جوندەۋ، كارىز جانە ەلەكتر جەلىلەرىن اباتتاندىرۋ جانە ت.ب. ماسەلەلەردى كوتەردى.
مەملەكەت باسشىسى قاسىم-جومارت توقايەۆتىڭ جارلىعىمەن بەكىتىلگەن حالىقپەن كەزدەسۋدىڭ جاڭا فورماتىنا سايكەس، جىل سوڭىنا دەيىن ەربولات دوسايەۆ حالىقپەن 24 كەزدەسۋ وتكىزەدى – 8 اۋداننىڭ ءارقايسىسىنىڭ تۇرعىندارىمەن توقسانىنا ءبىر كەزدەسۋ.