حالىق قاتىساتىن بيۋدجەت: الاتاۋ اۋدانىندا قانداي جوبا ىسكە اسىرىلدى

الاتاۋ اۋدانىندا بويىنشا 23 شاعىناۋدان بار

الماتىنىڭ الاتاۋ اۋدانىندا «حالىقتىڭ بيۋدجەتكە قاتىسۋى» باعدارلاماسى اياسىندا فۋتبول، باسكەتبول، ۆولەيبول الاڭدارى جانە ۆورك-اۋت ورنى اشىلادى، دەپ حابارلايدى Almaty-akshamy.kz Almaty.tv-كە سىلتەمە جاساپ.

ونى ءدۇيىم ەل ءوز قالاۋىنشا جاساتىپ، يگىلىگىنە پايدالاناتىن بولادى.

«الماتى قالاسىنىڭ «حالىق قاتىساتىن بيۋدجەت» باعدارلاماسىنىڭ اياسىندا 176 جوبا كەلىپ تىركەلگەن، تۇرعىنداردىڭ داۋىس بەرۋىنە سايكەس بيىل 1 ملرد. 800 ملن. سوماسىنا 36 جوبانى ىسكە اسىرۋ  جۇمىستارى جۇرگىزىلۋدە. قازىرگى تاڭدا 30 جوبا بويىنشا جۇمىس اياقتالىپ، 6 جوبانى قاراشا ايىنىڭ سوڭىنا دەيىن اياقتاۋ جوسپارلانعان. سونىمەن قاتار جوندەۋ جۇمىستارى اياسىندا 7 مەكەن بويىنشا جاسىل اۋماقتار مەن جاياۋ جۇرگىنشىلەر الاڭىن اباتتاندىرىلدى»، – دەدى الاتاۋ اۋداندىق كورىكتەندىرۋ ءبولىمىنىڭ باس مامانى ارمان قوقىمبايەۆ

2023 جىلى اۋدان اكىمدىگى تاراپىنان 28 جوبانى ىسكە اسىرۋ جوسپارلانعان.

«2023 جىلى اۋدان اكىمدىگى تاراپىنان 8 جاسىل اۋماق پەن جاياۋ جۇرگىنشىلەر الاڭىنا جوندەۋ جۇمىسى جۇرگىزىلىپ، «حالىق قاتىساتىن بيۋدجەت» باعدارلاماسىنىڭ اياسىندا 1 ملرد. 300 ملن. سوماسىندا 28 جوبانى ىسكە اسىرۋ جوسپارلانعان. اتالعان 28 مەكەن بويىنشا جاڭادان قوعامدىق ورىندار پايدا بولادى»، – دەدى الاتاۋ اۋداندىق كورىكتەندىرۋ ءبولىمىنىڭ باس مامانى ارمان قوقىمبايەۆ

الاتاۋ اۋدانىندا بويىنشا 23 شاعىناۋدان بار.