كەڭەس وداعىنىڭ باتىرى №1 حالىق قاھارمانى، تاۋەلسىز قازاقستاننىڭ تۇڭعىش قورعانىس ءمينيسترى، ارميا گەنەرالى ساعادات نۇرماعامبەتوۆتىڭ عاسىرلىق مەرەيتويىنا وراي قارۋلى كۇشتەردىڭ مەملەكەتتىك اسكەري-تاريحي مۇراجايى "حالىق جۇرەگىندەگى قاھارمان" اتتى كوشپەلى كورمە ۇيىمداستىردى.
باتىردىڭ بىرەگەي جادىگەرلەرى ءۇشىن العاشقى الاڭ الماتىداعى ورتالىق مەملەكەتتىك مۇراجاي بولدى. مۋزەيگە كەلۋشىلەر ءۇشىن ماڭىزدى وقيعا بولعان كورمەنىڭ اشىلۋىنا الماتى وڭىرلىك گارنيزونىنىڭ اسكەري قىزمەتشىلەرى، اسكەري جوعارى وقۋ ورىندارىنىڭ كۋرسانتتارى جانە «جاس سارباز» بالالار-جاسوسپىرىمدەر اسكەري-پاتريوتتىق قوزعالىسىنىڭ تاربيەلەنۋشىلەرى قاتىستى، دەپ حابارلايدى اlmaty-akshamy.kz.
كورمەنىڭ اشىلۋىندا قارۋلى كۇشتەر ۇلتتىق اسكەري-پاتريوتتىق ورتالىعى الماتى فيليالىنىڭ ەسترادالىق-بي توبى ونەر كورسەتتى. سۇڭقار ءاليمۇسا نۇرلان ءنۇرتازيننىڭ «ساعادات» ءانىن ورىندادى.
– تاقىرىپتىق تۇرعىدان ءبىز كورمە ماتەريالدارىن سوعىسقا دەيىنگى، ۇلى وتان سوعىسى جىلدارىنداعى جانە تاۋەلسىز قازاقستاننىڭ قارۋلى كۇشتەرىن قۇرۋداعى تۇڭعىش قورعانىس ءمينيسترىنىڭ ءرولىن كورسەتەتىن ءۇش كەزەڭگە بولدىك، – دەپ ءتۇسىندىردى مەملەكەتتىك اسكەري-تاريحي مۋزەيدىڭ باستىعى ءلاززات ءالجان.
كورمەگە تاريحي فوتوسۋرەتتەر، كەڭەس وداعىنىڭ باتىرى اتاعىن بەرۋ تۋرالى جارلىقتىڭ، التىن جۇلدىزدىڭ كوشىرمەلەرى جانە فۋراجكا، بەلدىك، كوبۋرا، گيمناستەركا، شينەل، بىلعارى قولعاپ، ەتىك، گەنەرال پوگوندارى سياقتى ساعادات نۇرماعامبەتوۆتىڭ جەكە زاتتارى قويىلعان. ءبىر قىزىعى، جادىگەرلەردىڭ اراسىندا ونىڭ جاقىن تۋىستارى بىلە بەرمەيتىن سيرەك فوتوسۋرەتتەر دە كەزدەسەدى.
الماتىداعى كورمە 31 قاڭتارعا دەيىن جالعاسادى. سوسىن بۇل قۇندى جادىگەرلەر ەلىمىزدىڭ وزگە دە ون قالاسىن ارالاماق.
