الماتى تاۋلارىندا قار كوشكىنى ءقاۋپى ساقتالادى. وسىعان بايلانىستى بلوكپوستار قويىلدى، دەپ حابارلايدى almaty-akshamy.kz الماتى قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.
«ادام ومىرىنە ءقاۋىپتى ايماقتارعا، ياعني „كوسموستانسيا“ اۆتوجولىنداعى ايۋساي بوگەتىنەن جوعارى جانە „شىمبۇلاق — تۇيىقسۋ مۇزدىعى“ تاسجولىنداعى ەدەلۆەيس كوشكىن جيناۋ اۋدانىندا بلوكپوستار ورناتىلدى. كوشكىن ءقاۋپى كەزەڭىنىڭ باسىنان بەرى ادامدار وتپەيتىن اۋماقتاردا جالپى كولەمى 27 مىڭ تەكشە مەتردەن اساتىن 23 قار كوشكىنى بولدى. ابىروي بولعاندا زارداپ شەككەن ادام جوق»، — دەپ حابارلادى الماتى قالالىق توتەنشە جاعدايلار دەپارتامەنتىنىڭ باسپا ءسوز قىزمەتى.
سونىمەن قاتار ءۇش مارتە پروفيلاكتيكالىق ماقساتتا قار كوشكىنى جۇرگىزىلدى. جارىلعىش ادىسپەن 7 مىڭ تەكشە مەتردەن استام قار ماسساسى ءتۇسىرىلدى. قۇتقارۋشىلار قالا تۇرعىندارى مەن قوناقتارىن تاۋعا بارۋدان باس تارتۋعا شاقىردى.