بيىلدان باستاپ «قازاقستاننىڭ حالىق ءارتىسى» اتاعى قايتا تاعايىندالاتىن بولدى.
بۇل مەملەكەت باسشىسى قاسىم-جومارت توقايەۆتىڭ تاپسىرماسى بويىنشا قولعا الىندى. قۇرمەتتى اتاققا لايىق دەپ تانىلعان مادەنيەت قايراتكەرلەرى رەسپۋبليكا كۇنى قارسانىندا ماراپاتتالادى، دەپ حابارلايدى Almaty-akshamy.kz Egemen.kz-كە سىلتەمە جاساپ.
قۇرمەتتى اتاق ەلىمىزدىڭ تەاتر، سيرك، مۋزىكا جانە كينو ونەرىن دامىتۋعا ەرەكشە ۇلەس قوسقان، وسىعان دەيىن «قازاقستاننىڭ ەڭبەك سىڭىرگەن ءارتىسى» نەمەسە «قازاقستاننىڭ ەڭبەك سىڭىرگەن قايراتكەرى» اتاعىنا يە بولعان مادەنيەت قىزمەتكەرلەرىنە بەرىلەدى.
«قازاقستاننىڭ حالىق ءارتىسى» اتاعىن قايتا بەرۋ مەملەكەت تاراپىنان ونەر قايراتكەرلەرىنىڭ ەڭبەگىن باعالاۋعا، كاسىبي قاسيەتتەرىن دامىتۋ جانە جەتىلدىرۋگە، كاسىبي شەبەرلىك دەڭگەيىن ارتتىرۋعا جانە جاڭا ونەر تۋىندىلارىن جاساۋعا ىنتالاندىرۋعا، جاس بۋىننىڭ شىعارماشىلىق وسۋىنە ىقپال ەتەدى، - دەدى مادەنيەت جانە سپورت ءمينيسترى اسحات ورالوۆ.