حالقىمىزدىڭ قازانات جىلقى تۇقىمى قايتا جاڭعىرتىلماق

جۇيرىكتە دە جۇيرىك بار، قازاناتى ءبىر بولەك!

قازاقتىڭ قازانات جىلقى تۇقىمىن جاڭعىرتۋ ءۇشىن ارنايى جول كارتاسى ازىرلەنۋدە، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

وسىدان 6 مىڭ جىل بۇرىن قامبار اتا ءتولى تۇڭعىش رەت قازاقستان جەرىندە قولعا ۇيرەتىلگەنى عىلىمي دالەلدەنگەن.

وسىلايشا بابالارىمىز قامىس قۇلاق، بوكەن قاباق، جىبەك جال، كۇپشەك سان، قۇيما تۇياق دەپ سيپاتتاپ، قابانباي مىنگەن قۋباستىڭ، اقان سەرى تاقىمداعان قۇلاگەردىڭ، قوبىلاندىنىڭ تايبۋرىلىنىڭ ءىزى بولار تازا قاندى ارعىماقتاردى شىعاردى.

بۇگىندە «قوستانايلىق» دەپ اتالاتىن قازاقتىڭ اسىل تۇقىمدى اتتارىن ساقتاپ، دامىتۋ مەملەكەتتىك دەڭگەيدە قولعا الىنعان.

«پرەمەر-مينيستردىڭ ورىنباسارى ەرالى لۇقپان ۇلى توعجانوۆ وسىعان بايلانىستى بەيرەسمي، رەسمي بىرنەشە جينالىس جاساپ، مەملەكەتتىك قۇزىرلى ورگاندارعا تاپسىرما بەردى. «قوستاناي» تۇقىمىنا جاي جىلقى ەمەس، برەندىمىز، تاۋەلسىزدىكتىڭ 30 جىلدىعىندا شىعارعان ۇلكەن ءبىر دۇنيەمىز رەتىندە قاراۋدى تاپسىرعان حاتتامالار شىقتى. بۇل جول كارتاسى بىرنەشە جۇمىستى قامتيدى. ونىڭ ىشىندە سەلەكسيالىق جۇمىستاردى كۇشەيتۋ جانە زاۋىتتىڭ ءومىرىن قايتا قالپىنا كەلتىرۋ بار»، - دەدى ق ر ۇلتتىق سپورت قاۋىمداستىعىنىڭ اتقارۋشى ديرەكتورى راحات جاقسىباي.