سامميت ۆيرتۋالدى فورماتتا وتەدى دەپ كۇتىلۋدە.
الداعى ۋاقىتتا COVID-19 پاندەميالىق سامميتىندە امەريكا قۇراما شتاتتارى ينفەكسيانىڭ تارالۋىن جەڭۋ ءۇشىن الەم حالقىنىڭ 70% ۆاكسيناسيالانۋى ءتيىس ەكەنىن مويىنداۋعا قول جەتكىزبەكشى، دەپ حابارلايدى Almaty-akshamy.kz Interfax.ru سايتىنا سىلتەمە جاساپ.
اق ءۇيدىڭ باسپا ءسوز حاتشىسىنىڭ ورىنباسارى كارين جان-پەر اقش-تىڭ ۆاكسيناسيا كورسەتكىشىن 70 پايىزعا جەتكىزەتىنىن راستادى.
22 قىركۇيەكتە COVID-19 پاندەمياسىمەن جانە جاھاندىق ۆاكسيناسيامەن كۇرەسكە ارنالعان حالىقارالىق سامميت وتەدى دەپ جوسپارلانىپ وتىر.
«سامميت كەزىندە پرەزيدەنت بايدەن مەملەكەت باسشىلارىن، ۇكىمەت جانە حالىقارالىق ۇيىمداردىڭ باسشىلارىن، بيزنەس كوشباسشىلارىن، قايىرىمدىلىق ۇيىمدارى مەن ۇكىمەتتىك ەمەس ۇيىمداردى COVID-19 پاندەمياسىن توقتاتۋعا مىندەتتەمە الۋعا شاقىرادى»، - دەپ جازادى The Washington Post گازەتى.
اكسيوستىڭ ايتۋىنشا، ۆاشينگتون سامميتكە قاتىسۋشى ەلدەردىڭ COVAX (جاھاندىق COVID-19 ۆاكسينالارىنىڭ قولجەتىمدىلىگى مەحانيزمى) ۆاكسينانى تاراتۋدىڭ نەگىزگى قۇرالى بولۋعا ۋادە بەرۋىن قالايدى.
سونىمەن قاتار، بايدەن كومانداسىنىڭ ماقساتى - باي ەلدەردى ارتىق ۆاكسينانى ساتپاۋعا، قايىرىمدىلىق جاساۋعا كوندىرۋ.
Axios اقپارات كوزدەرىنىڭ حابارلاۋىنشا، اقش رەسەي مەن قىتايدى سامميتكە شاقىرۋعا نيەتتى.