2 041 876 رەسپوندەنت ونلاين ساناقتان ءوتتى
ولاردىڭ 1 756 002ء-سى sanaq.gov.kz سايتىندا، 203 672ء-سى Egov پورتالىندا تىركەلۋ ارقىلى جاۋاپ بەرسە، 82 202 ادام ساناققا اitu قوسىمشاسى ارقىلى قاتىسقان، دەپ حابارلايدى Almaty-akshamy.kz.
12 كۇننىڭ قورىتىندىسى بويىنشا الماتى وبلىسى الدا تۇر. وندا 204 805 تۇرعىن ساناقتان وتكەنى تۋرالى حابارلاما العان. ونلاين ساناقتان وتكەن تاعى 194 697 ادام الماتى قالاسىندا تىركەلگەن. ۇزدىك ۇشتىكتى 173 847 اداممەن قىزىلوردا وبلىسى تۇيىندەدى. ال ازىرگە سوڭعى ەكى ورىندى 46 191 جانە 35 542 اداممەن ماڭعىستاۋ، اتىراۋ وبلىستارى ەنشىلەپ وتىر. جالپى، جەرگىلىكتى حالىق سانىنا شاققانداعى ساناقتان وتكەندەردىڭ ۇلەسى بويىنشا قىزىلوردا وبلىسى الدا تۇر. وندا ازاماتتاردىڭ 21،1 پايىزى ساۋالدارعا جاۋاپ بەرگەن (1 تامىزداعى جاعداي بويىنشا، وڭىردە 823 052 ادام تىركەلگەن). بۇل كورسەتكىش بويىنشا پاۆلودار وبلىسى ەكىنشى ورىندا. وندا تۇرعىنداردىڭ 17 پايىزى ساناقتان ونلاين رەجيمدە وتكەن (1 تامىزداعى جاعداي بويىنشا، وڭىردە 749 754 ادام تىركەلگەن).