ق ر ءىىم م.ەسبولاتوۆ اتىنداعى الماتى اكادەمياسىندا ورتا باسشى قۇرامدى دايارلاۋ فاكۋلتەتىنىڭ تىڭداۋشىلارىنا سالتاناتتى تۇردە سەرتيفيكاتتار تاپسىرىلدى، دەپ حابارلايدى اlmaty-akshamy.kz.
تۇلەكتەردى اكادەميا باستىعى، پوليسيا پولكوۆنيگى ا.م. سايتبەكوۆ قۇتتىقتاپ، بۇگىننەن باستاپ ولاردىڭ ومىرىندە اكادەميا قابىرعاسىندا العان بىلىمدەرىن قىزمەتتە ىسكەرلىكپەن كورسەتۋگە، ىشكى ىستەر ورگاندارىن جاڭعىرتۋعا بەلسەندى قاتىسۋعا، قازاقستان پوليسياسىنىڭ بەدەلىن ارتتىرۋعا، جۇمىستىڭ اسا ماڭىزدى سالالارىندا جوعارى جەتىستىكتەرگە جەتۋگە مۇمكىندىك بەرەتىن جاڭا كاسىبي كەزەڭ باستالاتىنىن اتاپ ءوتتى.
سونىمەن قاتار ورتا باسشى قۇرامدى دايارلاۋ فاكۋلتەتىنىڭ تىڭداۋشىلارى اراسىنداعى ق ر ىشكى ىستەر ءمينيسترىنىڭ كۋبوگى ءۇشىن وتكەن دەبات ءتۋرنيرىنىڭ فينالدىق ويىندارىنا قاتىسۋشىلاردى ماراپاتتاۋ ءراسىمى دە وسى كۇنگە ورايلاستىرىلدى.
ەكىنشى تۋرعا قاتىسقان № 2 فاكۋلتەت تىڭداۋشىلارى ر. جارىقباسوۆ، ق. ابدىعالييەۆ، م. اكراماشوۆ، سونداي-اق تۋرنير جەڭىمپازى پ. كليموۆ نوميناسيالار بويىنشا ۆىمپەلمەن جانە ديپلومدارمەن ماراپاتتالدى. جەڭىمپاز كۋبوگى 2 فاكۋلتەت تىڭداۋشىسى ءا. وسپانوۆقا تابىس ەتىلدى.
ءوز كەزەگىندە №2 فاكۋلتەتتىڭ تىڭداۋشىسى، پوليسيا پولكوۆنيگى ب.زياتايەۆ تا ءسوز سويلەپ، اكادەميانىڭ پروفەسسورلىق-وقىتۋشىلىق قۇرامىنا ريزاشىلىعىن ءبىلدىردى.
ءداستۇر بويىنشا ايتۋلى وقيعاعا وراي مەرەكەلىك كونسەرت ۇيىمداستىرىلدى