تاڭداندىرعان تالايدى!
ءار ازامات ءوزى تۇرىپ جاتقان ەلدىڭ ءتىلىن، ءداستۇرىن قۇرمەتتەۋى ءتيىس. بۇل – ابايدىڭ قارا سوزدەرىن جاتقا وقيتىن دميتريي روماششەنكونىڭ پىكىرى، دەپ حابارلايدى Almaty-akshamy.kz
ۇلتى ۋكراين دميتريي ۇلى اقىننىڭ شىعارمالارىن ءسۇيىپ وقيدى. بۇگىندە قوستانايدا تۇراتىن جىگىت قازاق ءتىلى مەن ادەبيەتتەن ساباق بەرەدى.
دميتريي روماششەنكو - رەسەيمەن ىرگەلەس فەدوروۆ اۋدانىنىڭ تۋماسى. ءورىستىلدى ورتادا ءوسىپ، ەرجەتتى. التى جىل بويى ورىس مەكتەپتەرىندە قازاق ءتىلى پانىنەن ساباق بەرەدى.
«ءوزىم ورىس مەكتەبىندە وقيمىن. ءبىراق دميتريي سەرگەيەۆيچتىڭ ساباعى ماعان قىزىق جانە قازاق ءتىلىن جەتىك بىلەمىن»، - دەدى مەكتەپ وقۋشىسى التىناي دونەنبايەۆا.
ءدميترييدىڭ ءتىل ۇيرەنۋدەگى باستى ءادىسى – سوزدەردى جاتتاۋ. جاڭا سوزدەرمەن كۇندەلىكتى جۇمىس ىستەيدى. ۋكراين جىگىتىنىڭ قازاق تىلىندە سانالى تۇردە وقىعان العاشقى كىتابى – شىڭعىس ايتماتوۆتىڭ «جان پيدا» رومانى. ال قازاق ءتىلىنىڭ ەرەكشەلىكتەرىن، بولمىسىن تانۋعا ابايدىڭ تۋىندىلارى ىقپال ەتكەن.
«اقىننىڭ ون التىنشى قارا ءسوزى: قازاق قۇلشىلىعىم قۇدايعا لايىق بولسا ەكەن دەپ قام جەمەيدى. تەك جۇرت قىلعاندى ءبىز دە قىلىپ، جىعىلىپ، تۇرىپ جۇرسەك بولعانى دەيدى. ساۋداگەر نەسيەسىن جيا كەلگەندە «تاپقانىم وسى، ءبىتتىم دەپ، الساڭ ال، ايتپەسە، ساعان بولا جەردەن مال قازام با؟» دەيتۇعىنى بولۋشى ەدى عوي»، - دەدى قازاق ءتىلى مەن ادەبيەت ءپانىنىڭ ءمۇعالىمى دميتريي روماششەنكو.