كەلەر جىلى بارلىعى 121 دەمالىس كۇنى بار
2022 جىلى 1-2 قاڭتار – جاڭا جىل مەرەكەسى كۇندەرى دەمالىسقا تۋرا كەلەتىندىكتەن، قازاقستاندىقتار 3-4 قاڭتار كۇندەرى دە دەمالادى. سونىمەن قاتار، قازاقستاندا ەكى ءدىني مەرەكە كۇندەرى دەمالىس دەپ جاريالانعاندىقتان، 7 قاڭتاردا روجدەستۆو مەرەكەسى جۇماعا ءتۇسىپ، 7، 8، 9 قاڭتار دەمالىس بولادى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
ءارى قاراي قازاقستاندىقتار حالىقارالىق ايەلدەر كۇنىنە وراي 6، 7، 8 ناۋرىز جانە ناۋرىز مەرەكەسىندە 19-23 ارالىعىندا 5 كۇن دەمالادى. 5 ناۋرىز جۇمىس كۇنى بولىپ بەكىتىلدى.
مامىر ايىندا 3 مەرەكە كۇنى بار. ولار:
- 1 مامىر – قازاقستان حالقىنىڭ بىرلىگى مەرەكەسى؛
- 7 مامىر – وتان قورعاۋشىلارى كۇنى؛
- 9 مامىر – جەڭىس كۇنى.
العاشقىسى جەكسەنبىگە تۇسەتىندىكتەن، 2 مامىر كۇنى - دەمالىس. ال 7 مامىر - وتان قورعاۋشىلارى كۇنى مەن 9 مامىر - جەڭىس كۇنىنە وراي 4 كۇن دەمالىس بولادى.
6 شىلدە – استانانىڭ تۋعان كۇنىندە جانە 20 شىلدە - قۇربان ايت مەرەكەسىندە دەمالىس بولادى. ەكى مەرەكە دە اپتانىڭ سارسەنبى كۇنىنە ءتۇسىپ تۇر.
كونستيتۋسيا كۇنى سەيسەنبىگە تۇسەدى. پرەمەر-مينيستر قاۋلىسىنا سايكەس، 27 تامىز سەنبى جۇمىس كۇنى بولادى. وسى ورايدا، قازاقستاندىقتار مەرەكەنىڭ قۇرمەتىنە 28، 29، 30 تامىز كۇندەرى دەمالادى.
سونداي-اق، تۇڭعىش پرەزيدەنت كۇنى - 1 جەلتوقساندا جانە تاۋەلسىزدىك كۇنىنە وراي 16-19 جەلتوقسان دەمالىس.
قازاقستاندىقتار 2022 جىلى بارلىعى 121 كۇن دەمالادى. 105 دەمالىس كۇنى سەنبى-جەكسەنبى كۇندەرىنىڭ ەسەبىنەن بولسا، 16-سى – مەرەكە كۇندەرى.