بۇل ستانسيالار قالانىڭ حالىق تىعىز ورنالاسقان اۋداندارىندا تۇر.
مەگاپوليس اكىمى باقىتجان ساعىنتايەۆ جۇمىس ساپارى بارىسىندا مەتروپوليتەننىڭ جاڭا ستانسيالارىنىڭ دايىندىعىن تەكسەرىپ، ولاردىڭ تەحنيكالىق ىسكە قوسىلۋىنا قاتىستى، دەپ حابارلايدى Almaty-akshamy.kz
جاڭا ستانسيالار الماتى مەتروپوليتەنىنىڭ ەكىنشى ىسكە قوسۋ كەشەنىنىڭ نىساندارى بولىپ تابىلادى، ونىڭ دايىندىعى قازىرگى كەزدە 96%-دان اسادى.
جول اباي داڭعىلىنىڭ استىندا، التىنسارين داڭعىلىنان ياسساۋي كوشەسىنە دەيىنگى باتىس باعىتتا ورنالاسقان. ارالىق توننەلدەردەن جانە «سارىارقا» جانە «ب. مومىش ۇلى» ەكى ستانسيادان تۇرادى. جەلى ۋچاسكەسىنىڭ ۇزىندىعى – 3.08 كم.
«سارىارقا» ستانسياسى «فەميلي» پاركىنىڭ اۋدانىندا ورنالاسقان، تەرەڭ توسەلگەن، پيلون ءتيپتى، قوزعالىسى شەكتەۋلى توپتارى ءۇشىن 2 ءليفتى، 8 ەكسكالاتورى بار ەكى كىرۋ توبىنان تۇرادى.
«ب. مومىش ۇلى» ستانسياسى اباي داڭعىلىنىڭ استىندا، مومىش ۇلى كوشەسىنىڭ باتىسىندا ورنالاسقان. شاعىن قۇرىلىس ستانسياسى، كولوننا ءتيپتى. ول ەكى جەراستى لوببيىنەن جانە التى كىرۋ توبىنان تۇرادى. 6 ليفت جانە 15 ەسكالاتور قاراستىرىلعان.
بۇگىندە نەگىزگى قۇرىلىس-مونتاجداۋ جۇمىستارى اياقتالدى جانە ىسكە قوسۋ-جوندەۋ جۇمىستارى باستالدى، ساۋلەت-ارلەۋ جۇمىستارى، ينجەنەرلىك جەلىلەر، اۆتوماتيكا جۇيەلەرى جانە پايدالانۋ جابدىعىن مونتاجداۋ اياقتالا كەلدى.
مەتروپوليتەن جولاۋشىلارىنا جايلى جانە ءقاۋىپسىز جاعدايلار جاساۋ ءۇشىن قولدانىستاعى مەتروپوليتەنمەن اۆتوماتيكا جابدىقتارى مەن جۇيەلەرىن بىرىكتىرۋدى، سونداي-اق ەلەكتر جىلجىمالى قۇراممەن جولدار بويىنشا دومالاتۋدى قامتيتىن ىسكە قوسۋ-جوندەۋ جۇمىستارى قاراستىرىلعان.
بۇل ستانسيالار قالانىڭ حالىق تىعىز ورنالاسقان اۋداندارىندا ورنالاسقان، پايدالانۋعا بەرۋ كەزىندە كۇتىلەتىن جولاۋشىلار اعىنى كۇنىنە 40 مىڭ ادامنان 86 مىڭ ادامعا دەيىن ارتادى، بۇل جالپى قالانىڭ كوشە-جول جەلىسى مەن كولىك ينفراقۇرىلىمىنىڭ جۇكتەمەسىن بىرنەشە ەسە ازايتادى.
ەسكە سالساق، بۇعان دەيىن تاۋەلسىزدىكتىڭ 30 جىلدىعىنا وراي تۇڭعىش پرەزيدەنت كۇنى مەن الماتى مەتروپوليتەنىنىڭ 10 جىلدىعىنا وراي 8 جاڭا ەلەكتر جىلجىمالى قۇرام پايدالانۋعا بەرىلگەن بولاتىن. ولاردى وڭتۇستىك كورەيالىق Hyundai Rotem كومپانياسى الماتى مەتروپوليتەنى ءۇشىن ارنايى وندىرگەن. بۇگىندە مەتروپوليتەندە 15 پويىز جۇمىس ىستەيدى.