ساۋىردەن كەيىن باسپانا باعاسى قالپىنا كەلە باستايدى

سەبەبى بۇرىنعىداي سۇرانىس بولمايدى.

يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆتىڭ ايتۋىنشا، زەينەتاقى قورىنىڭ اقشاسى تۇرعىن ۇيگە دەگەن سۇرانىستى ارتتىردى، دەپ حابارلايدى Almaty-akshamy.kz

«كرىشا» پورتالىنىڭ مالىمەتى بويىنشا، ءقازىر جاڭا ءۇيدىڭ باعاسى شارشى مەترى ءۇشىن 241 مىڭ تەڭگەدەن باستالىپ، 752 مىڭ تەڭگەگە دەيىن بارادى. ال قايتالاما نارىقتا ءۇيدىڭ باعاسى – 224-614 مىڭ تەڭگە. نۇر-سۇلتاندا ءبىزدىڭ باعىتىمىز  بويىنشا قۇرىلىس كومپانيالارى 230 مىڭ سۇراپ وتىر. ال كوممەرسيالىق تۇرعىن ءۇيدىڭ باعاسى 521 تەڭگە بولىپ تۇر»، - دەدى وسكەنبايەۆ.

ءمينيستردىڭ ايتۋىنشا، «نۇرلى جەر» ۇلتتىق جوباسى بويىنشا سالىناتىن ۇيلەردىڭ باعاسى كوتەرىلەدى. نەگىزگى ماقسات – قۇرىلىستىڭ ساپاسىن ارتتىرۋ. ال كوممەرسيالىق نارىقتا ءۇيدىڭ باعاسى تومەندەۋى مۇمكىن. سەبەبى 1 ساۋىردەن كەيىن زەينەتاقى جيناعىنىڭ ءبىر بولىگىن پايدالانۋ كۇرت ازايدى.

«ءيا، زەينەتاقى قورىنىڭ اقشاسى تۇرعىن ۇيگە دەگەن سۇرانىستى ارتتىردى. سودان باعا دا كوتەرىلە باستادى. بيىل 9 ناۋرىز بەن 2 ءساۋىر ارالىعىندا، شامامەن 52 مىڭ كەلىسىمشارت جاسالدى. ءبىر جىل بۇرىنعى كورسەتكىشتەن جوعارى. دەگەنمەن 1 ساۋىردەن كەيىن باعا قالپىنا كەلە باستايدى دەپ ويلايمىن. سەبەبى بۇرىنعىداي سۇرانىس بولمايدى»، - دەپ اتاپ ءوتتى وسكەنبايەۆ.

وسى ورايدا مينيستر تۇرعىن ۇيگە دەگەن سۇرانىستىڭ كوتەرىلۋىنە سەبەپ بولاتىن تاعى ءبىر فاكتوردى اتادى. دوللار باعاسى قۇبىلىپ تۇرعاندا ادامدار اقشاسىن جىلجىمايتىن مۇلىككە سالۋعا تىرىسادى.