عىلىمي-زەرتتەۋلەر ماقساتىندا كيىك اتۋعا رۇقسات بەرىلمەك

بۇل تۋرالى ەكولوگيا جانە تابيعي رەسۋرستار مينيسترلىگىنىڭ بۇيرىعىندا كورسەتىلگەن.

15 اقپاننان باستاپ عىلىمي-زەرتتەۋ جۇمىستارى ءۇشىن ءبىر جىل بويى كيىكتەردى اتۋعا رۇقسات بەرىلۋى مۇمكىن، دەپ حابارلايدى Almaty-akshamy.kz

«بەرىلەتىن ليميت تەك عىلىمي ماقساتتار ءۇشىن بولىنەدى. عىلىمي ماقساتتا كيىكتەردى الۋعا ۇسىنىلعان كۆوتالار ۆەتەريناريا جونىندەگى ۇلتتىق رەفەرەنتتىك ورتالىق، زوونوزدىق ينفەكسيالار ينستيتۋتى، ق ر بعم زوولوگيا ينستيتۋتى جانە قازاق عىلىمي-زەرتتەۋ ۆەتەريناريالىق ينستيتۋتى ءۇشىن كەپىلدەندىرىلگەن. قوسىمشا كۆوتالار، ونىڭ ىشىندە باسقا ۇيىمدار ءۇشىن دە وبلىس دەڭگەيىندە بولىنگەن ليميتتەر شەگىندە ءبولىنۋى مۇمكىن»، - دەلىنگەن قۇجاتتا.

قۇجاتقا قوسىمشا بەرىلگەن تۇسىندىرمەدە جازىلعانداي، بۇل نورما 2023 جىلدىڭ 15 اقپانىنان كەلەر جىلدىڭ 15 اقپانىنا دەيىنگى ارالىقتا اڭ اۋلاۋ كەزەڭىندە قولدانىلادى.

عىلىمي ماقساتتا قازاقستاننىڭ 4 وبلىسى اۋماعىندا 1 815 كيىكتى اتۋعا رۇقسات بەرىلمەك.

وڭىرلەر بويىنشا بەكىتىلۋى مۇمكىن ليميت:

اقمولا وبلىسى – 705 كيىك؛

قاراعاندى وبلىسى – 700 كيىك؛

قوستاناي وبلىسى – 210 كيىك؛

باتىس قازاقستان وبلىسى – 200 كيىك.

بۇعان دەيىن ەكولوگيا جانە تابيعي رەسۋرستار مينيسترلىگى بيىل كيىكتەردى اتۋعا رۇقسات بەرىلمەيتىنىن مالىمدەگەن ەدى.