بورىشكەردىڭ سوتتان تىس جانە سوت ارقىلى بانكروتتىق راسىمدەرىن بورىشكەردىڭ تىركەلگەن جەرى بويىنشا مەملەكەتتىك كىرىستەر ورگاندارى ىسكە اسىرادى.
مەملەكەتتىك كىرىستەر كوميتەتى بورىشكەردىڭ قارجىلىق جاعدايىنا مونيتورينگ جۇرگىزۋ قاعيدالارى مەن مەرزىمدەرىن بەكىتۋ تۋرالى بۇيرىق ازىرلەدى، دەپ حابارلايدى Almaty-akshamy.kz
قۇجات بورىشكەردىڭ قارجىلىق جاعدايىنا مونيتورينگ، سونداي-اق ونىڭ ناتيجەلەرى ءراسىمدى توقتاتۋعا نەمەسە بانكروت مىندەتتەمەلەرىن توقتاتۋدان باس تارتۋعا نەگىز بولاتىن، بورىشكەردىڭ كرەديتورلار الدىنداعى مىندەتتەمەلەردى ورىنداۋدان جالتارۋى ماقساتىندا جەكە مۇددەلەرى ءۇشىن جاساعان ارەكەتتەرىنە تەكسەرۋ جۇرگىزۋ ءتارتىبى مەن مەرزىمدەرىن ايقىندايدى.
بورىشكەردىڭ قارجىلىق جاعدايىنا مونيتورينگ جۇرگىزۋ شەڭبەرىندە مەملەكەتتىك كىرىستەر ورگاندارى:
- سوتتان تىس جانە سوت ارقىلى بانكروتتىق ءراسىمىن قولدانىلعانعا دەيىنگى سوڭعى 3 جىلعا – سوتتان تىس بانكروتتىق قولدانىلعان جانە سوت بانكروتتىعى ءراسىمىن قولدانۋ تۋرالى شەشىم زاڭدى كۇشىنە ەنگەن كۇننەن باستاپ كۇنتىزبەلىك 30 كۇن ىشىندە؛
- سوتتان تىس جانە سوت ارقىلى بانكروتتىق ءراسىمى كەزەڭىندە – توقسان سايىن، ەسەپتى كەزەڭ اياقتالعانعا دەيىن كۇنتىزبەلىك 10 كۇن ىشىندە بورىشكەردىڭ قارجى-شارۋاشىلىق قىزمەتىنە تالداۋ جۇرگىزۋ ارقىلى ونىڭ كرەديتورلار الدىنداعى مىندەتتەمەلەرىن ورىنداۋدان جالتارۋ بەلگىلەرىن انىقتايدى.
بورىشكەردىڭ كرەديتورلار الدىنداعى مىندەتتەمەلەرىن ورىنداۋدان جالتارۋ بەلگىلەرىنىڭ بار ەكەندىگىن كۋالاندىراتىن فاكتىلەرگە:
- مۇلىكتى نەمەسە مۇلىكتىك مىندەتتەمەلەردى، مۇلىك، ونىڭ مولشەرى، تۇرعان جەرى تۋرالى مالىمەتتەردى نە مۇلىك تۋرالى وزگە دە اقپاراتتى جاسىرۋ، مۇلىكتى وزگەنىڭ يەلەنۋىنە بەرۋ، مۇلىكتى يەلىكتەن شىعارۋ نەمەسە جويۋ؛
- مۇلىك تۋرالى مالىمەتتەردى كورسەتەتىن قۇجاتتاردى جاسىرۋ، جويۋ، بۇرمالاۋ جاتادى.
بورىشكەردىڭ كرەديتورلار الدىنداعى مىندەتتەمەلەرىن ورىنداۋدان جالتارۋ بەلگىلەرىن انىقتاۋ مىناداي دەرەككوزدەردە:
- مەملەكەتتىك كىرىستەر ورگاندارىنىڭ اقپاراتتىق جۇيەلەرىندە؛
- قازاقستان رەسپۋبليكاسىنىڭ زاڭناماسىندا بەلگىلەنگەن ءوز قۇزىرەتى شەگىندە وزگە دە مەملەكەتتىك ورگاندارىندا؛
- سوت ورگاندارىندا بار بورىشكەرگە قاتىستى دەرەكتەر مەن قۇجاتتاردى زەردەلەۋ جانە تالداۋ ارقىلى ىسكە اسىرىلادى.
قاجەت بولعان جاعدايدا مەملەكەتتىك كىرىستەر ورگاندارى بورىشكەردىڭ كرەديتورلار الدىنداعى مىندەتتەمەلەرىن ورىنداۋدان جالتارۋ بەلگىلەرىن جانە تولەم قابىلەتسىزدىگىنىڭ تۋىنداۋ سەبەپتەرىن وبەكتيۆتى باعالاۋعا قاجەتتى مالىمەتتەردى الۋ ءۇشىن مەملەكەتتىك ورگاندارعا جانە ۇيىمدارعا، شەت مەملەكەتتەردىڭ ۇيىمدارىنا سۇراۋ سالۋ جىبەرەدى.
بورىشكەرىنىڭ قارجى-شارۋاشىلىق قىزمەتىن تالداۋ قورىتىندىسى بويىنشا مەملەكەتتىك كىرىستەر ورگاندارى مىناداي قۇجاتتاردىڭ ءبىرىن:
- بورىشكەردىڭ كرەديتورلار الدىنداعى مىندەتتەمەلەردى ورىنداۋدان جالتارۋ بەلگىلەرىنىڭ بولۋى تۋرالى قورىتىندىنى؛
- بورىشكەردىڭ كرەديتورلار الدىنداعى مىندەتتەمەلەرىن ورىنداۋدان جالتارۋ بەلگىلەرىنىڭ بولماۋى تۋرالى انىقتامانى جاسايدى.
قورىتىندىنىڭ جانە انىقتامانىڭ ءبىر داناسى مكو نومەنكلاتۋرالىق ىستەرىندە ساقتالادى، ال ەكىنشى دانا بورىشكەرگە جىبەرىلەدى.
مەملەكەتتىك كىرىستەر ورگانى قورىتىندى جاسالعان كۇننەن باستاپ 3 جۇمىس كۇنى ىشىندە قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 182-بابى بويىنشا اكىمشىلىك قۇقىق بۇزۋشىلىق تۋرالى حاتتاما جاسايدى جانە شەشىم قابىلداۋ ءۇشىن ماتەريالداردى سوتقا بەرەدى؛
قورىتىندىنىڭ نەمەسە انىقتامانىڭ كوشىرمەسىن قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتىنە جىبەرەدى.
قۇجات 8 اقپانعا دەيىن تالقىلاۋ ءۇشىن اشىق نقا سايتىندا جاريالاندى.
30 جەلتوقسان كۇنى مەملەكەت باسشىسى قاسىم-جومارت توقايەۆ «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭعا قول قويعان ەدى.