تاۋەلسىزدىك كۇنى اياسىندا «قازاقستان مەن رەسەيدىڭ عىلىمي-اكادەميالىق ىنتىماقتاستىعى: جاعدايى مەن بولاشاعى» تاقىرىبىندا «دوڭگەلەك ۇستەل» ءوتتى.
عىلىمي ءىس-شارانى قازاقستان رەسپۋبليكاسى عىلىم جانە جوعارى ءبىلىم مينيسترلىگى عىلىم كوميتەتىنىڭ فيلوسوفيا، ساياساتتانۋ جانە ءدىنتانۋ ينستيتۋتى مەن رەسەي عىلىم اكادەمياسىنىڭ قوعامدىق عىلىمدار جونىندەگى عىلىمي اقپارات ينستيتۋتى ۇيىمداستىردى.
وتىرىس بارىسىندا قازاقستان مەن رەسەي اراسىنداعى عىلىمي-اكادەميالىق سالاداعى ەكىجاقتى ىنتىماقتاستىقتىڭ اۋقىمدى ماسەلەلەرىن تالقىلاپ، ساياسات پەن مادەنيەتتەگى وڭىرلىك پروسەستەردى دامىتۋدىڭ جولى ايتىلدى.
«دوڭگەلەك ۇستەلدە» فسدي باس ديرەكتورى، ق ر ۇعا ءبىرىنشى ۆيسە-پرەزيدەنتى سەرىك سەيدۋمانوۆ، رەسەي عىلىم اكادەمياسىنىڭ قوعامدىق عىلىمدار جونىندەگى عىلىمي اقپارات ينستيتۋتىنىڭ تاياۋ جانە پوستكەڭەستىك شىعىس ءبولىمىنىڭ مەڭگەرۋشىسى ۆ.ا.اۆاتكوۆ، فسدي ساياسي زەرتتەۋلەر ورتالىعىنىڭ باسشىسى ايدار امىرەبايەۆ، ت.ب. عالىمدار بايانداما جاسادى.
تاقىرىپقا وراي
ايدار امىرەبايەۆ، فسدي ساياسي زەرتتەۋلەر ورتالىعىنىڭ باسشىسى:
وسى جىلدا ءبىزدىڭ ينستيتۋت سىرتقى ساياساتقا كوبىرەك كوڭىل اۋداردى. بيىل بىرنەشە ەلدەن دەلەگاسيا كەلىپ، عىلىم تۋراسىندا ۇسىنىستارىن ءبىلدىردى. كەلىسىم-شارتقا كەلىپ، ماڭىزدى باستامالاردى قولعا الدىق. بۇگىن رەسەيدەن كەلگەن دەلەگاسيا وكىلدەرىمەن كونفەرەنسيا ءوتتى. كەزدەسۋدە حالىقارالىق، عىلىمي ورتاق ماسەلەلەرگە ساراپتاما جاسالدى.
جاقىندا استانا قالاسىندا ورتالىق سايلاۋ كوميسسياسىنىڭ 30 جىلدىعى اتاپ ءوتىلدى. سوعان وراي ينستيتۋت ەرەكشە زەرتتەۋ ەڭبەگىن شىعاردى. قازاقستاننىڭ سايلاۋ جۇيەسى تۋرالى كىتاپتى رەسەيدەن كەلگەن ارىپتەستەرگە تانىستىردىق. كەلەسى جىلى رەسەيدە پرەزيدەنت سايلاۋى وتەدى.
ەكى ەلدىڭ سايلاۋ جۇيەسىن سالىستىرىپ، تاعى ءبىر ەڭبەك دايىنداۋ جوسپاردا بار.