قىتايدىڭ سولتۇستىك-باتىسىنداعى گانسۋ جانە سينحاي پروۆينسيالارىندا بولعان جەر سىلكىنىسىنەن قازا تاپقاندار سانى 200-گە جاقىنداپ قالدى. بۇل تۋرالى قىتايدىڭ ورتالىق تەلەارناسىنان مالىمدەدى، دەپ حابارلايدى اlmaty-akshamy.kz.
گانسۋ پروۆينسياسىندا قازا تاپقاندار سانى ءقازىر 105 ادامعا جەتتى، ال سينحاي پروۆينسياسىندا 11 ادام قايتىس بولدى. بۇعان دەيىن قىتايدىڭ جوعارىدا اتالعان ەكى پروۆينسياسىندا 300-دەن استام ادام قۇربان بولعانى تۋرالى حابارلانعان.
قحر ءتوراعاسى سي سزينپين ادامداردى ىزدەستىرۋ جانە قۇتقارۋ، سونداي-اق گانسۋ پروۆينسياسىنداعى جەر سىلكىنىسىنىڭ سالدارىن جويۋ ءۇشىن بارلىق كۇش-جىگەردى جۇمساۋعا شاقىردى.
قحر مەملەكەتتىك كەڭەسى زارداپ شەككەن ايماقتارعا كومەك كورسەتۋ جۇمىستارىن جۇرگىزۋ ءۇشىن ارنايى جۇمىس توبىن جىبەردى.
ىزدەستىرۋ-قۇتقارۋ جۇمىستارى كۇردەلى مەتەورولوگيالىق جانە گەوگرافيالىق جاعدايلارعا بايلانىستى قيىنداپ جاتىر. جەر سىلكىنىسى بولعان كەزدە تۇندە اۋا تەمپەراتۋراسى -15 گرادۋسقا دەيىن تومەندەگەن. سينوپتيكتەردىڭ بولجامىنشا، جەر سىلكىنىسى بولعان ايماقتا الداعى 10 كۇندە اۋا تەمپەراتۋراسى كۇندىز 5 گرادۋسقا دەيىن كوتەرىلىپ، تۇندە -14 گرادۋسقا دەيىن تومەندەۋى ىقتيمال.
ماگنيتۋداسى 6،2-گە دەيىن جەتكەن جەراستى دۇمپۋلەرى گانسۋ پروۆينسياسىنىڭ سزيشيشان-باوان-دۋنسيان-سالار اۆتونوميالىق وكرۋگىندە تىركەلدى. وشاعى 10 كم تەرەڭدىكتە بولعان.