عالىمدار بۇدان بىلاي جۋرنالدارعا ماقالالار جازۋمەن عانا شەكتەلمەي، عىلىمي جاڭالىقتار اشۋلارى كەرەك.
عىلىم اكادەمياسىنا مەملەكەتتىك مارتەبە بەرىلەدى. سەبەبى وي-تۇجىرىم ورتالىعى 20 جىل بويى عىلىمدى باسقارۋ ىسىنەن تىس قالدى. پرەزيدەنتتىڭ وسى تاپسىرماسىنان كەيىن عىلىم سالاسى قارىشتى دامۋى كەرەك. عالىمداردىڭ بەدەلى دە ايقىندالىپ، جۇمىس ىستەۋ تاسىلدەرى تۇبەگەيلى وزگەرەدى، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ.
بىلايشا ايتقاندا، جۋرنالدارعا ماقالا جازۋمەن شەكتەلمەي، جاھاندى تاڭ قالدىرار جاڭالىقتار اشۋلارى شارت. سوعان ساي جاعداي دا جاسالعالى وتىر.
"بىرىنشىدەن، بۇل – عىلىم اكادەمياسىنىڭ مارتەبەسى. ەندى مەملەكەتتىك مارتەبەسى بولادى. سونىمەن قاتار ولارعا بيۋدجەتتەن قارجى بولىنەدى. ارينە، بۇل قازاقستان عىلىمىنىڭ دامۋىنىڭ جولىن بەلگىلەۋ، ايقىنداۋ"، - دەدى ق ر پرەزيدەنتى جانىنداعى قسزي ساياسي زەرتتەۋلەر ءبولىمىنىڭ مەڭگەرۋشىسى ەرمەك توقتاروۆ.