مەملەكەت باسشىسىنىڭ جارلىعىمەن گۇلسارا مەرەي قىزى ارىستانقۇلوۆا قازاقستان رەسپۋبليكاسىنىڭ فرانسۋز رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
مەملەكەت باسشىسىنىڭ جارلىعىمەن جان سەرجان ۇلى عالييەۆ قازاقستان رەسپۋبليكاسىنىڭ فرانسۋز رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان، قازاقستان رەسپۋبليكاسىنىڭ موناكو كنيازدىگىندەگى توتەنشە جانە وكىلەتتى ەلشىسى، يۋنەسكو جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋدان بوساتىلدى.
گۇلسارا مەرەي قىزى ارىستانقۇلوۆا 1971 جىلى 15 قازاندا جامبىل وبلىسىندا دۇنيەگە كەلگەن. قازاق مەملەكەتتىك الەم تىلدەرى ۋنيۆەرسيتەتىن، «بولاشاق» باعدارلاماسى بويىنشا ستراسبۋرگ قالاسىنىڭ گۋمانيتارلىق عىلىمدار ۋنيۆەرسيتەتىن جانە قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن بىتىرگەن. حالىقارالىق قاتىناستار سالاسىنداعى دوكتور.
ديپلوماتيالىق قىزمەتىن 1998 جىلى قازاقستاننىڭ بەلگياداعى ەلشىلىگىنىڭ اتتاشەسى رەتىندە باستادى. ق ر ءسىم ورتالىق اپپاراتىندا تمد ىستەرى جونىندەگى كوميتەتتىڭ ەكىنشى، ءبىرىنشى حاتشىسى، حالىقارالىق اقپارات كوميتەتىنىڭ باسقارما باسشىسى لاۋازىمدارىن اتقاردى.
2003-2007 جىلدارى قازاقستاننىڭ فرانسياداعى ەلشىلىگىندە ەكىنشى، ودان كەيىن ءبىرىنشى حاتشى بولىپ جۇمىس ىستەدى.
2008 جىلدان باستاپ قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىندا كونسۋلتانت، سەكتور مەڭگەرۋشىسى بولىپ جۇمىس ىستەدى جانە قازاقستاننىڭ فرانسياداعى ەلشىسى لاۋازىمىنا تاعايىندالعانعا دەيىن ق ر پرەزيدەنتى اكىمشىلىگىنىڭ سىرتقى ساياسات جانە حالىقارالىق بايلانىستار ءبولىمى مەڭگەرۋشىسىنىڭ ورىنباسارى بولدى.
فرانسۋز جانە اعىلشىن تىلدەرىن مەڭگەرگەن. ءىى سىنىپتى توتەنشە جانە وكىلەتتى ۋاكىل ديپلوماتيالىق دارەجەسىنە يە.