«بايقوڭىر» عارىشايلاعىندا «سويۋز مس-22» باسقارىلاتىن عارىش كەمەسىن ۇشىرۋ ءۇشىن «سويۋز-2.1ا» زىمىران تاسىعىشىن دايىنداۋ جۇمىستارى جالعاسۋدا، دەپ حابارلايدى Almaty-akshamy.kz Inform.kz-كە سىلتەمە جاساپ.
«يۋجنىي» عارىش ورتالىعىنىڭ ماماندارى زىمىراننىڭ ءبىرىنشى جانە ەكىنشى كەزەڭدەرىن مەحانيكالىق قۇراستىرۋدى جۇزەگە اسىرعان سوڭ ولار عارىشايلاعى ۋچاسكەسىنىڭ № 31 تەحنيكالىق كەشەنىنىڭ قۇراستىرۋ-سىناۋ كورپۋسىنداعى ساقتاۋ ورنىنا جونەلتىلدى. روسكوسموستىڭ باسپا ءسوز قىزمەتىنىڭ حابارلاۋىنشا، جۇمىستىڭ كەلەسى كەزەڭى - پنيەۆماتيكالىق سىناقتار، اۆتونومدى جانە كەشەندى سىناقتار، ەڭ سوڭىندا عارىشتىق زىمىراننىڭ جالپى جيناقتاۋ جۇمىستارى.
ەسكە سالا كەتسەك، بايقوڭىر عارىش ايلاعىنان «سويۋز مس-22» باسقارىلاتىن عارىش كەمەسى بار «سويۋز-2.1ا» زىمىران-تاسىعىشىن ۇشىرۋ 2022 جىلدىڭ 21 قىركۇيەگىنە جوسپارلانعان. حعس-قا قۇرامىندا روسكوسموس عارىشكەرلەرى سەرگەي پروكوپيەۆ، دميتريي پەتەلين جانە NASA استروناۆتى فرانسيسكو رۋبيو بار 68ء-شى ۇزاق مەرزىمدى ەكسپەديسيا ەكيپاجى اتتانادى.