جابىرلەنۋشىگە كەلگەن زالال سوماسى - 6،6 ملرد تەڭگەدەن اسادى.
انتيكوررۋپسيالىق قىزمەت گۇلميرا ساتىبالدىعا قاتىستى تەرگەۋدىڭ ءبىر بولىگىن اياقتادى، دەپ حابارلايدى Almaty-akshamy.kz.
«15 جەلتوقساندا قىلمىستىق ءىس ايىپتاۋ اكتىسىمەن بىرگە پروكۋراتۋراعا جىبەرىلدى. گۇلميرا ساتىبالدى جانە ونىڭ باقىلاۋىنداعى «اريا-جاڭا استانا» ج ش س كومپانياسىنىڭ باسشىلىعى، سونداي-اق مەملەكەتتىك ورگانداردىڭ لاۋازىمدى تۇلعالارى وبەكتىلەردى سالۋعا بولىنگەن بيۋدجەت قاراجاتىن ۇرلادى دەگەن كۇدىككە ىلىنگەن»،- دەلىنگەن انتيكوررۋپسيالىق قىزمەتتىڭ حابارلاماسىندا.
تەرگەۋ ساتىسىندا مەملەكەتكە كەلگەن زالال تولىعىمەن وتەلدى. وسى فاكت بويىنشا دا سوتقا دەيىنگى تەرگەۋ اياقتالىپ، ءىس كۇدىكتىلەر مەن ولاردىڭ ادۆوكاتتارىنا تانىسۋعا بەرىلدى.
ساتىبالدىعا قاتىستى بيزنەستى باسىپ الۋ جانە زاڭسىز باس بوستاندىعىنان ايىرۋدىڭ باسقا ەپيزودتارى بويىنشا تەرگەۋ جالعاسىپ جاتىر.