2025 جىلعى 7-9 قىركۇيەكتە ازەربايجاننىڭ گۋبا قالاسىندا ەكىنشى قازاق-ازەربايجان تۋريستىكفورۋمى ءوتتى. ءۇش كۇندىك ءىس-شاراعا قازاقستاننىڭ ازەربايجانداعى ەلشىسى ءالىم بايەل، گۋبا قالاسىنان سايلانعان ميللي ءماجىلىس دەپۋتاتى اليبالا ماگەررامزادە، ازەربايجان تۋريزمجونىندەگى مەملەكەتتىك اگەنتتىگىنىڭ وكىلدەرى، قوعامقايراتكەرلەرى جانە ەكى ەلدىڭ
56 تۋريستىك كومپانيالارىنىڭ وكىلدەرى قاتىستى.
ەلشى ءالىم بايەل ءوز سوزىندە ەكى باۋىرلاس ەل اراسىنداعى تۋريستىك ترافيكتىڭ وسكەنىن قاناعاتتانۋشىلىقپەن اتاپ ءوتتى. ديپلومات ازەربايجانعا ورتالىق ازيادان كەلەتىن بارلىق تۋريستەردىڭ شامامەن 50%-ى قازاقستاننىڭ ۇلەسىنە تيەتىنىنە نازار اۋداردى. قازاقستان ازەربايجانعا كەلەتىن تۋريستەر سانى بويىنشارەسەي، تۇركيا، ءۇندىستان، يران جانە گرۋزيادان كەيىن 6-شى ورىندا. ازەربايجان قازاقستاندىقتاردى باكۋدىڭ سۇلۋلىعىمەن، كوركەمتابيعاتىمەن، مادەني جانە ءتىل جاقىندىعىمەن، سونداي-اق تۇراقتى تىكەلەي اۋە رەيستەرىنىڭ بولۋىمەن قىزىقتىرادى.
ءا. بايەل قازاق-ازەربايجان ينۆەستيسيالارىن تارتا وتىرىپ، قازاقستانداعى الاكول جاعاسىندا ساناتوريي-كۋرورتتىق كەشەننىڭ سالىنۋىجوسپارلانىپ وتىرعانىن اتاپ ءوتتى. زاماناۋي كەشەننىڭ قۇرىلىسى ەكى ەلدىڭ تۋريستىك سالاداعى ىنتىماقتاستىعىندا ماڭىزدى مەجە بولماق.
دەپۋتات ا. ماگەررامزادە قازاقستاننان ازەربايجانعا عانا ەمەس، كەرى باعىتتا دا تۋريستەر اعىنىن ارتتىرۋدىڭ ماڭىزدىلىعىن اتاپ ءوتتى. پارلامەنتاريي تۋريستىك سالا ەكى حالىقتى جاقىنداستىرۋدا، ءبىر-بىرىنىڭ مادەنيەتى مەن داستۇرلەرىن زەردەلەۋدە ماڭىزدى ءرول اتقاراتىنىنا سەنىمدى. ازەربايجان تۋريزم جونىندەگى مەملەكەتتىك اگەنتتىگىنىڭ، قازاقستان مەن ازەربايجاننىڭ تۋريستىك كومپانيالارىنىڭ، سونداي-اق «AirAstana»اۋە كومپانياسىنىڭ وكىلدەرى ءوز قىزمەتتەرى مەن تۋريستىك پاكەتتەرى، ەكى ەلدىڭ تابيعي سۇلۋلىعى مەن كورىكتى جەرلەرى تۋرالى ايتىپ بەردى.
ءىس-شارا اياسىندا B2B كەزدەسۋلەرۇيىمداستىرىلىپ، قازاقستاندىق قوناقتارعا سەرۋەندەر ارقىلى گۋبا ايماعىنىڭ تۋريستىك الەۋەتى پاش ەتىلدى.
العاشقى تۋريستىك فورۋم 2024 جىلى قازاقستاننىڭ باكۋداعى ەلشىلىگىندە ءوتىپ، ەكى ەلدىڭ تۋريستىك سەكتورى وكىلدەرىنىڭ قىزىعۋشىلىعىن تۋدىرعان بولاتىن. ەكى ەل اراسىنداعى تۋريستىك اعىندار ءبىر جىلدا ايتارلىقتاي ءوستى. ماسەلەن، ازەربايجان تۋريزم جونىندەگى مەملەكەتتىك اگەنتتىگىنىڭ ستاتيستيكاسىنا سايكەس اعىمداعى جىلدىڭ قاڭتار-شىلدە ايلارىندا ازەربايجانعا 59000-عا جۋىق قازاق تۋريست كەلدى. بۇل وتكەن جىلدىڭ كورسەتكىشىنەن 58%-عا جوعارى. وسى كەزەڭدە قازاقستانعا كەلگەن ازەربايجاندىقتاردىڭ سانى 48%-عا ءوستى.
قازاقستان پرەزيدەنتى قاسىم-جومارت توقايەۆ 2025 جىلعى
8 قىركۇيەكتە جاريالاعان جىل سايىنعى حالىققا جولداۋىندا تۋريزم ينفراقۇرىلىمىن كەشەندى دامىتۋ ۇكىمەتتىڭ نەگىزگى باسىمدىقتارىنىڭ ءبىرى ەكەنىن مالىمدەدى.